والد الشهيد ''عمرو سعد'': أمن الدولة قتل ابني.. ومرسى هدفه ''الكرسي'' فقط

اتهم والد شهيد التيار الشعبي''عمرو سعد'' الأمن الوطنى بقتل نجله، قائلاً ''عمرو اتقتل على طريقة أمن الدولة زمان، اللى بيستخبى دلوقتى تحت اسم الأمن الوطني ''حسبي الله ونعم الوكيل''.
استنكر والد عمرو ما حدث لنجله فى تصريحات ل '' مصراوى''، عقب تشييع جنازة نجله اليوم عقب صلاة الظهر من مسجد عمر مكرم'' قائلاً '' ليه لما الشاب يرسم رسمة ع الحيط أو ينزل يمسك هتاف او يقول رايه يتقتل؟!.
وأضاف والد عمرو'' كنت مع الاخوان وكنت بأيدهم''، ولكن ابنى هو اللى كان ضدهم، ويظهر ابنى هو اللى فاهم''.
ووصف والد''عمرو'' الرئيس محمد مرسى بأنه لا يهتم الآن إلا بالاستمرار فى الحُكم، وأنه لا يهمه دماء الشباب، قائلاً '' اللى شايفه دلوقتى ان اهم حاجة هى التمكين وأهم حاجة انه يفضل قاعد ع الكرسى، مش مهم دم الشباب''.
وتساءل مستنكراً حاملاً صوره ابنه ''ده عنده 19 سنة طالب فى ثانوى، ده شكل بلطجى؟''.
ودعا فى النهاية والد عمرو بأن يأتى بحق نجله من أمن الدولة قائلاً ''طول ما الشرطة وأمن الدولة موجودين ولادنا مش هيعيشوا''.