(هابي نيو يير ) بالمصري

لودامت لغيرك ما وصلت لك لو 2010 ووقفت محلك سر وقالت مش لاعبه ولا كنا ثورنا ولا نزلنا ثورانا (محدش يسئ النيه ويلعب بتشكيل ثوارنا ويقرأ ها بنيه سيئه ) لكن عشان الامل دايما في الله كبير قتلنا العشم في التغيير وأهو كله تغيير للأسوء بقي للافضل المهم التغيير عشان الملل والتغيير بدأ بحكم العسكر ولعنا سلسفين ابو الظروف الي خلتنا نتحكم بشوية جنود كبيرهم يتعاملو مع الساتر الترابي ...!!! يا ساتر يارب لما يقف في وشهم ساتر بشري !! اذا من باب التغيير
يسقط يسقط حكم العسكر... ويببدأ العرس الديمقراطي بعريس ديمقراطي منتخب ...وافرحو... عندن برلمان... ونتيجة الديمقراطيه بوكس في مناخير البلكيمى للاختلاف في الرأي مع دكتور التجميل ... لذلك لن نركع ..لن نركع مع اي خلاف .. وبتوع الحدود تعبوا ومفيش مفر من ...انتخابات رئاسية... والست الفاضله رحمها الله ام ابو اسماعيل هاتعطلنا شويه لأنها طلعت امريكية.... يلا بينا علي الجولة التانية...
مرسى هو اللى كسب...شفيق هو اللى كسب...وأخونا نزلوا فى كل مكان يا فيها يا أخفيها ...مرسى كسب ....افتح صدرك فى الميدان ولا بيهمني من مين ما كان ... وكرسي في الكلوب وتضلم علي دماغ المشير...وقلادة المشير...في عز ما سينا بتضيع الحق يا وديع ... في الركن هناك شايف الشاطر وبديع...صديقى الوفى شيمون بيريز...علاقتنا مع امريكا في الميزان ..حل البرلمان يا دي النيله تاني والمليارين الي سودنا بيهم بطاقات الانتخبات ....يلا مش مشكله نستخدمهم ورق للحمامات ..
الله يقرفك دا كلام تقوله علي اشرف انتخابات ...أين البرلمان...حكوم زى الفل...براءات للكل...بقى عندنا بابا جديد وعرفنا مسطلحات عن الكنيسه ما بين مرقصيه وكرازه ...الاهلى حديد يا مشرفنا ...موقعه الاتحادية...مواقع زفتية...حصار الدستورية....شريعة وشرعية...أين البرلمان...
أنا سعيد انك سألتنى السؤال ده... نعمل ايه في النائب العام لو مسمعش الكلام !! مشى النائب العام...وديه الفاتيكان...مش هيمشى النائب العام...طلعله اعلان.. بيسي هتدفع للصف كله ؟؟!! لا لا .... اعلان دستورى...قرار جمهورى....علياء المهدى اتنيلت تانى واعتذرات للقرارات كانت مش متفصله مظبوت اصل الحاج محمود الترزي كبر ونظارته بقت علي اده مش مفرق بين قميص ضريبي وبين جلبيه صعيدي الكم فيها يفوت قطر علي اسيوط ...ابو تريكة طلع اخوانى...يسقط يسقط حكم المرشد....
جبهة انقاذ غرقت ومحتاجة المنقذ .. لا للتفواض .. طب موافقين علي التفواض بتلا ت شروط يعني عليا التفاوض بالتلاته منا متفاوض الا لما الدولار يرجع تلاني بجنيه الا ربع .....خلي البرلمان للشوري مؤقتنا أهو كله تشريع ...لن نركع تانى.........تكفير المسلمين...تهجير مسيحيين ....ابو تريكه تاني !!!!!بس المره دي سكرة لاعبي افريقيا ...... وأخر حصاد 2012.نرحب باليهود... في وطنهم الثاني
انتظرونا في حصاد 2013 ان عشنا وكان لنا عمر
وكل عام وأنتم بخير