"جرين إيجلز": عصيان مدني ببورسعيد لاستعادة حقوق الشهداء

تواصل رابطة أولتراس جرين إيجلز المنتمية للنادي المصري البورسعيدي، دعواتها لأهالي بورسعيد بالعصيان المدني يوم الأحد.
ونشرت الرابطة عبر صفحتها الرسمية على موقع التواصل الاجتماعي "فيس بوك"، بيانا تحث فيه جموع أهالي بورسعيد بالنزول للشارع والامتناع عن العمل، حتى تعود حقوق شهداء المدينة.
وكتبت الرابطة "خليك فاكر ان حقهم لو راح هدر يبقى حقهم هيكون فى رقبة كل بورسعيدى.. لو نسيت تبقى خايف .. ولو خايف تبقى جبان .. ولو جبان تبقى بدون كرامة .. ولو هتكون بدون كرامة .. يبقى الموت افضل".
"العصيان المدنى نجاحه متوقف على العمال فى مختلف القطاعات الحكومية والخاصة والمحلات التجارية وطلاب المدارس والموضوع سهل بدل ما تنزل على شغلك هنتجمع كلنا امام مبنى المحافظة وحاول تقنع كل افراد عائلتك بالتوجة الى هناك بدلاً من التوجة الى العمل لنجاح العصيان حتى تعود حقوق الشهداء".
"وافتكر ديماً ان فى ام محروقة على ابنها شهيد رصاص الغدر و حقة لغاية دلوقتى فى طى النسيان من الحكومة وافتكر ان ممكن الشهيد كان يبقى اخوك او ابنك ونجاح العصيان المدنى متوقف على كل رجالة بورسعيد".