صور نوارة نجم: الأولتراس يستاهل نبلع له الظلط ونطنش على بيات البنات

دافعت الناشطة السياسية "نوارة الإنتصار" أحمد فؤاد نجم عن قيام مجموعات الأولتراس برفض تواجد البنات خلال الإعتصام المفتوح المستمر منذ أيام أمام مجلس الشعب.
وكانت رابطة مشجعي النادي الأهلي قد أقامت إعتصامها للمطالبة ب"حقوق الشهداء"، وأصدرت قراراً بعدم تواجد أي فتاة داخل اعتصام بعد الساعة الثامنة مساءً.
وتولت ابنة شاعر العامية الأشهر بمصر خلال العقود الأخيرة أحمد فؤاد نجم، الدفاع عن قرار الأولتراس من خلال حسابها الشخصي على تويتر، رغم عدم قناعتها بفكرة منع البنات من الإعتصامات بشكل عام.
وافتتحت حديثها قائلة "أولاً مفيش حاجة اسمها حيشوهوا سمعة الإعتصامات بالبنات لأنهم حيشوهوها بالرجالة برضه .. على الأقل لما يتهموك في ست أحسن ما يتهموك في راجل ههههه."
وقالت في نقطتها الثانية "اللي معتصم مش مفروض إنه عامل حساب أعدائه بيقولوا أيه؟ ماهم لو ما لقوش بنات حيقولوا حاجة تانية."
وأردفت "ثالثاً.. البنات اللي متعودة تعتصم مش بتلخم ولا حاجة.. بنات جدعان وبيحدفوا طوب وكل حاجة يعني مش محتاجين مساعدة من حد."
وواصلت " فياريت ماحدش يقعد يسوق التبريرات عشان ما تبقاش قاعدة.. احنا محترمين قانون الأولتراس عشان هم يستاهلوا نبلع لهم الظلط، مش عشان الموقف صح .. الأولتراس لهم وجهة نظر ما لهمش وجهة نظر مزاجهم جايبهم كده هم أحرار على فكرة، وأنا شخصياً أكتر من كده وبابلع لهم.. يستاهلوا، ناس بتموت عشانا."
وتابعت"من حيث المبدأ المنطق ده غلط ومش مقبول كمان.. من حيث إن ده مزاج الأولتراس، براحتهم على فكرة، وعلى قلبي عسل .. معلش يعني، دول مشجعين كورة، مين أجبرهم في الماتش يقولوا يسقط حكم العسكر ويتقتلوا بالأعداد دي؟ هم عملوا عمل فدائي واحنا لازم نحترم دماغهم."
وأضافت "دي مش قاعدة.. مش قاعدة.. والبنات حتبات في أي إعتصامات تانية.. بس لجل عيون الأولتراس الطناش واجب .. بعدين فيه حاجة اسمها نراعي الظرف.. دول عندهم ميتم منصوب، وحاجة ما كانتش متوقعة أبداً، يعني صدمة مضاعفة.. الرحمة شوية."