سمير الجمل يكتب: مناظرة بين السيسى وعبدالفتاح!!

يقول ‬بعض ‬المتحذلقين ‬إنهم ‬ضد ‬حكم ‬العسكر.. ‬ويبالغون ‬فى ‬مخاوفهم ‬ربما ‬لأنهم ‬لديهم ‬عقدة ‬الخوف ‬من ‬العسكري.. ‬وبما ‬أن ‬مصر ‬الجديدة ‬الطموحة ‬تعرف ‬أن ‬جيشها ‬وشعبها ‬وجهان ‬لعملة ‬واحدة ‬اختارت ‬بكامل ‬إرادتها ‬أن ‬يكون ‬مرشحها ‬الأقوى ‬والأقرب ‬هو ‬أصلا ‬بطل ‬عسكرى ‬أنقذها ‬من ‬أنياب ‬ذئاب ‬الإخوان ‬فهل ‬يختلف ‬السيسى ‬العسكرى ‬عن ‬‮»‬عبدالفتاح‮«‬ ‬المدنى ‬وماذا ‬إذا ‬جرت ‬بينهما ‬مناظرة.. ‬طراز ‬خصوصي:‬
عبدالفتاح: ‬أدينى ‬بقيت ‬مدنى ‬على ‬الآخر.. ‬يا ‬رب ‬نسكت ‬ونشتغل..!‬
السيسي: ‬لما ‬العسكرى ‬يكون ‬شديد ‬وقوى ‬يقولوا ‬‮»‬جبار ‬ومستبد‮«‬.. ‬ولما ‬يكلم ‬الناس ‬على ‬إنهم ‬أهله ‬وأحبابه ‬بلغة ‬إنسانية ‬يقولوا ‬‮»‬عاطفي‮«‬.‬
عبدالفتاح: ‬أنا ‬عشان ‬كده ‬أخدت ‬معايا ‬من ‬العسكرية ‬الضبط ‬والربط ‬حتى ‬بعد ‬ما ‬خلعت ‬البدلة ‬الميري.‬
السيسي: ‬وضرورى ‬تاخد ‬معاك ‬الديمقراطية ‬اللى ‬موجودة ‬فى ‬المؤسسة ‬العسكرية ‬أكثر ‬من ‬غيرها ‬لكن ‬محدش ‬واخد ‬باله.‬
عبدالفتاح: ‬كفاية ‬أن ‬القائد ‬وإن ‬كان ‬هو ‬صاحب ‬القرار.. ‬لكن ‬ضرورى ‬ياخد ‬الرأى ‬والمشورة ‬من ‬كل ‬متخصص ‬قبل ‬قراره.‬
السيسي: ‬وهو ‬يعنى ‬الرئيس ‬المدنى ‬عشان ‬هو ‬مدنى ‬قبل ‬ما ‬يفطر ‬الصبح ‬هياخد ‬شوية ‬قرارات ‬منه ‬لنفسه.. ‬دلوقت ‬الدولة ‬فيها ‬مؤسسات.‬
عبدالفتاح: ‬خايفين ‬يا ‬سيدى ‬أبقى ‬فرعون!‬
السيسي: ‬والدستور ‬بيعمل ‬إيه؟.. ‬ده ‬رئيس ‬الوزراء ‬ممكن ‬تكون ‬عنده ‬فى ‬بعض ‬الأمور ‬صلاحيات ‬أكثر ‬من ‬رئيس ‬الجمهورية.. ‬هى ‬الناس ‬مش ‬عايزة ‬تقرا ‬الدستور ‬ليه!‬
عبدالفتاح: ‬يظهر ‬إننا ‬لازم ‬نخلى ‬وزارة ‬التربية ‬والتعليم ‬تطبعه ‬وتوزعه ‬على ‬كل ‬التلامذة.‬
السيسي: ‬طيب ‬باقولك ‬إيه ‬يا ‬عبدالفتاح ‬المدني.. ‬مفيش ‬داعى ‬حد ‬يشوفنا ‬مع ‬بعض ‬من ‬هنا ‬ورايح.. ‬أحسن ‬يقولوا ‬بيستغل ‬الجيش ‬لحساب ‬حملته ‬الانتخابية.‬
عبدالفتاح: ‬وانت ‬شايف ‬إن ‬الناس ‬ممكن ‬تسكت ‬فى ‬أى ‬حال؟
السيسي: ‬ممكن ‬طبعا!‬
عبدالفتاح: ‬إزاي.. ‬قولى ‬ما ‬هى ‬المصلحة ‬واحدة ‬وينوبك ‬ثواب؟
السيسي: ‬لما ‬يشتغلوا.. ‬هينشغلوا ‬بالأمور ‬الكبيرة ‬عن ‬الأمور ‬السطحية ‬والتافهة.‬
عبدالفتاح: ‬المشكلة ‬يا ‬ريتها ‬تقف ‬عند ‬كده!‬
السيسي: ‬أمال ‬إيه؟
عبدالفتاح: ‬أنا ‬يومى ‬يبدأ ‬خمسة ‬صباحا ‬وأغلب ‬الناس ‬بيناموا ‬وش ‬الفجر!!‬
السيسي: ‬والمشكلة ‬دى ‬تحلها ‬إزاي!‬
عبدالفتاح: ‬تخلى ‬الناس ‬تنام ‬بالنهار ‬وتشتغل ‬بالليل.‬
السيسي: ‬وده ‬ينفع؟
عبدالفتاح: ‬السؤال ‬ده ‬يجاوب ‬عليه ‬كل ‬مصرى ‬هو ‬عايز ‬يفضل ‬يندب ‬حظه ‬وهو ‬نايم ‬فى ‬سريره.. ‬ولا ‬عايز ‬يقوم ‬ويشتغل ‬ويتعب ‬عشان ‬مصر ‬تقوم ‬وتقف ‬على ‬رجليها ‬تانى ‬وتبقى ‬فعلا ‬أم ‬الدنيا ‬وقد ‬الدنيا.. ‬هو ‬ده ‬السؤال ‬يبقى ‬مدنى ‬يبقى ‬عسكري.. ‬المهم ‬النتيجة!!‬
سمير الجمل