خديجة رحاب .. 18 سنة .. فنانة من 12 سنة

"خديجة رحاب".. فنانة شابة بتحب الرسم جدا وليها مشاركات من سن 6 سنين في المعارض الفنية، وآخر مشاركة ليها كانت في معرض "مختارات من الأعمال الزيتية والتصوير الضوئي" تحت إشراف د. إسحق عزمي.. واللي تم افتتاحه يوم الأربعاء 29/12، وضم مجموعة متميزة من المواهب الشابة..
خديجة ايه حكايتك مع الرسم؟
اسمي خديجة رحاب، طالبة في الجامعة الأمريكية، في تالتة إعلام، وبحب الرسم من طفولتي، وماما هي اللي اكتشفت الموهبة فيا، وروحنا لدكتور اسحق عزمي، وهو اللي تبناني من وقتها.
قدمتي في المعرض إزاي؟
دكتور اسحق قال لي انه بقى له فترة مش بيشوف ليا لوحات، وطلب إنه يشوف لوحاتي الجديدة، وبعد كده قال لي اني هشارك بلوحاتي في المعرض.
ده أول معرض تقدمي فيه لوحاتك؟
دي مش أول مرة أشارك بلوحاتي في معارض، انا بعمل ده من صغري، بس دي أول مرة ليا بعد ما كبرت، وعرفت ايه هي نوعية اللوحات اللي ممكن تتحط في المعرض، وعرفت ازاي اطور اسلوبي.
بتفكري في ايه بعد الخطوة دي يا خديجة؟
ان شاء الله هعمل معرض خاص ليا، وهاعرض فيه على الأقل 30 لوحة.. أنا دلوقتي بجرب استخدام ألوان جديدة، وقريب جدا هاعلن عن ميعاد المعرض عشان تيجوا وتبقوا معايا