شعبولا بسرعة مع حادث الأسكندرية

سارع الثنائى شعبان عبدالرحيم وإسلام خليل للتحرك لمواجهة أحداث الإرهاب التى شهدتها كنيسة القديسين فى الإسكندرية، فقد أكد الشاعر " إسلام خليل " أنه كتب كلمات الأغنية "الدين لله والوطن للجميع.. إن مافهمناش القصة الكل راح يضيع.." بعد متابعته للحادث الذى إستهلت به 2011 أول أيامها.
وقال حسب موقع أخبار مصر : "بدأت الكتابة ثم توقفت وإستكملتها فى اليوم التالى وتعمدت هذه المرة أن تكون الكلمات جادة، لأن الحدث لا يحتمل أى إستخفاف أو هزار، وإتفقت مع شبعان لأنه سريع الإنتشار ولا يوجد مطرب مثله فى المنطقة، وبمجرد أن إقترحت عليه الفكرة وافق على الفور، وأعرب عن سعادته، لأنه شعر بأنه يقدم عملاً مفيداً لمصر".
إسلام أكد الإنتهاء من تسجيل الأغنية ويتم حالياً تصويرها فيديو كليب تمهيداً لعرضها على الفضائيات خلال ساعات، وتقول كلمات الأغنية :
" بغنى وأنا مش قادر.. والحزن فى قلبى زاد، على الإعتداء الغادر ليلة عيد الميلاد.. الناس جت فى الميعاد بيصلوا فرحانين.. الفرحة بقت حداد على راس الميتين.. عملية إرهابية إتنفذت على جنب والمسلم والمسيحى الإتنين ملهمش ذنب.. طول عمر مصر بيتنا مافيناش خاين أكيد.. لكن يا ناس الفتنة جايلنا من بعيد.. بلدنا يد واحدة فى الفرح والأحزان والمسلم والمسيحى مع بعض من زمان.. لنا فى مصر واحد من غير حسابات وحق.. فى عروقنا دم واحد نابع من قلب مصر.. عايزين نشوف القاتل ونجيب حق المقتول.. بلاش يا ناس الغضب يسيطر ع العقول.. الدين حرية خاصة والوطن للجميع.. إن مافهمناش القصة الكل راح يضيع.. فيه ناس عايزة تفرقنا.. عايزينها برق ورعد.. بلاش نسيب أعداءنا يخبطونا فى بعض.. مشاكلنا إحنا نحلها وإحنا اللى بيها نحس.. وشؤون مصر كلها تخص مصر وبس.. عايزين اللى يهدينا يا ناس يا خلق يا هووه.. يا معتز يا منى يا دينا يا برامج التوك شو.. دى حركة صهيونية بغل وبغباء.. لو مش مصدقنى أحلف لكم بالطلاق.. عارفين الحقيقة إيه وبرضه عايزين بديل.. أمال أنا قلت ليه أنا باكره إسرائيل" .