وإنت جاي

ابقى هات للنومة حلم
بس نقِّي يكون مقلِّم
خط حرب وخط سلم
خط طيب فيه مشاعر
وابقى خلّي التاني دم
عندك إنت كلام قديم
كل يوم يتقال تغني
حتى لو ملّيت هقوله
إيه؟ هتحرمني التمني؟!
مش بقول لك هات سلاحك
وانزع الهم اللي طالني
بس بتكلِّم بفضفض
شيلت عنك شيلت مني
كيفَ أسكت جنب أخويا؟!
كل يوم شايفك بتبكي
فيها إيه أنا لما أصدّق
وآجي جنبك يا ابن أبويا؟
حتى لو كان بالكلام
برضه بحكي لك كلام
لا ماتكتمنيش وسيبني
نفسي أكون عندك مهم
ليه بشوف ف عنيك دوايا
وإنت شايف فيّا سم؟!
لسّه فاكر وعد جدّك
ليّا إنك تاني جاي؟
إني هفضل جوا منك
طول ما قلبك لسّه حي؟
ديم يا رب النعمة
لو كانت حقيقة
سدد الخطوة اللي
مهما تكون بطيئة
إيد وشالت
لليالي السودا ضي
صعب لو يتِّمت نفسك
تشتري لك تاني أم
يعني مش هعديك بلمسك
يبقى قد ما أضم ضم
اوفي وعدك
قول لي جاي لك
بس حاسب
اوعى تنسى
وإنت جاي
ابقى هات للنومة حلم
بس نقِّي يكون مقلِّم
خط حرب وخط سلم
كلمتنا – نوفمبر 2010