بالصور : فرقة وسط البلد تحتفل بإصدار ثاني البوم .!

قدم فريق "وسط البلد" يوم الجمعة بحديقة الأزهر حفل إصدار الألبوم الثاني لهم ، وسط حضور جماهيري كبير، بمشاركة عدد الفرق الغنائية حيث قامت كل فرقة بغناء أغنية من أغاني وسط البلد بالإضافة لأغانيهم. .
وقد بدأت الحفلة بصعود فرقه "عشره غربي "وقص ولزق" "سيتي باند" "كايروكي" و "بيركشين شو" وكانت مفاجأة الحفل صعود الفنان "أسر ياسين" علي المسرح لتقديم فرقه وسط البلد للجمهور مشيراً لسعادته بوجوده في الحفل وأنه من أشد المعجبين بفرقة وسط البلد وتمني لهم نجاح الألبوم.
وصعدت فرقة "وسط البلد " وقدمت عدد من الأغاني في البداية بمصاحبة بعض أعضاء الفرق الأخرى مثل "ميخا من فرقه قص ولزق - أغنيه دماغك " و "فرقه الراب واي كرو، وقدمت أغنية "روبابيكيا" ثم قام فريق وسط البلد بغناء معظم أغانيه الشهيرة مثل " عم مينا - عانقيني -أنتيكه " وسط تفاعل كبير من الجمهور
وبحديثنا مع أدهم السعيد "فرقه وسط البلد " قال :
أنا مكتش متوقع والله الحب ده كله من زملائنا اللي جايين النهاردة عشان يشاركونا فرحتنا بالألبوم الجديد وبجد ده دليل علي إن روح المشاركة لسه موجودة، وان لسه قادرين نجتمع علي حاجات حلوة لو ده حصل في كل المجالات أكيد وضعنا هيختلف كثير ..بالنسبة للألبوم هو أخد أكثر من 8 شهور بس بجد إحنا عاملين مزيكا مختلفة وتعجبهم وشكرا بجد لحضور كل الناس دية .
وقال منتصر حجازي "كاتب أغاني": انا من أول الناس اللي كانت بتكتب لوسط البلد وان شاء الله نستمر وأنا شايف إن الألبوم ده بجد هيكون مختلف جدا إن شاء الله، أنا كتبت لهم الألبوم ده كذا أغنية منهم "حب نفسك "من "جوه جوه القاهرة" ،"علي حسب ودادك "،"جزيرة الأحلام "،وكتبت لهم قبل "وسط البلد ،هيلا هوب ،لافت علي غيري "
وعبرعادل ميخا "فرقة قص ولزق " عن سعادته بمشاركة وسط البلد فرحتهم بإصدار ثاني ألبوم وتقديم قص ولزق بعض الأغاني أمام جمهور وسط البلد .
وعن مشاركة سيتي باند في الحفلة قال وائل عامر: إحنا بتربطنا صداقة بفرقة وسط البلد وهما كلمونا عشان نيجي نحتفل معاهم وطبعا كلنا حضرنا وغنينا النهاردة شمس النهار لوسط البلد ..وأنا متوقع إن الألبوم ده هيكسر الدنيا وصداه هيكون قوي جدا إن شاء الله .
وكان من ضمن الحضور نجم ستار أكاديمي "محمد المغربي" وفي حديثنا معه قال: أنا متابع وسط البلد بقالي كثير ومبسوط النهاردة جدا بحضور كذا فرقة كده وبجد وسط البلد مميزين وبيقدموا حاجة مختلفة وحاجه كويسة جدا إن الفرق تنتشر كده ويبقي فيه بينها مشاركة .
ثم أنتهي الحفل بغناء وسط البلد لأغنيه "فُك أيديا " من الألبوم الجديد، يذكر إن البوم وسط البلد الأخير صدر عام 2007 بعنوان وسط البلد وحقق نجاحاً كبيراً
تصوير.. محمد عز الدين