دمعة بنوتة

بنوتة عايشة وعندها
حبة حاجات بتحسها
أوقات بتسكت من الألم
وساعات تقولها بدمعها
حبة بحور حبة أمل
موجهم بيحضن حزنها
تضحك وتحلف على الزعل
إمتى الحياه تضحك لها؟
وتشوف فراشة بتشتكي
تفرد جناح من قلبها
تنده عليها وتبتسم
تجري قوام وتقول لها
احكي لحبيبتك فضفضي
تبكي الفراشة تضمها
بالحضن تبكي وتفتكر
في الحضن ده كان نفسها
من قلب أقرب في الجسد
خلى الحنان مش حقها
الكل قال على الدنيا فيها
الخير أمرها تحبها
بأمارة إيه؟ كان أولى بيها
تحب فيها نفسها!
يارب داوي الجرح كبَّر
كل فرحة في عمرها