جدتي.. والكباب

في إحدى جلساتي مع جدتي، دار الحوار التالي :
الجدة : انت يا واااااااااد..فين أمك؟؟
الحفيد : هتكون فين يعني؟ ...هي وراها إيه غير المسلسلات التركي ..الله يرحم أيام المال والبنون وذئاب الجبل!
الجدة : طب وأمك بتضيع وقتها ليه في الجبنة التركي؟ مالها الجبنة القريش؟ هي عقدة الخواجة لسه عندكم؟
الحفيد: معلش بقى كله بسبب يحي ولميس ونور ومهند.
الجدة: وراجل البيت فين من ده كله ؟؟
الحفيد: راجل البيت ده كان زمااااااااااااان على أيامك الكلام ده .
الجدة: إيه الكلام ده؟ أبوك فين؟
الحفيد: أبويا؟ .. يا عيني من ساعة ما عرف إن العلاوة مش هتزيد وهو مش عارف يعمل إيه!
الجدة : أنا طول عمري أقول أبوك ده بار بيا، وبجدك، الله يرحمه، بس عرف منين إن أنا عايزة بقلاوة؟ وهم رخصوها ليه؟ هو فيه حاجة بترخص الزمن ده؟؟
الحفيد: رخصوا البقلاوة، عشان يوفروا فرص عمل للشباب.
الجدة : إنت كمان بتحبني؟ تصدق إن أنا نفسي في الكباب من الزمان!