طبعا بكرة بعد الصلاة كلنا هنغني ونقول: "عايزين ناكل.. فتة ولحمة ورز" وعشان كده جيبنا لكم معانا طريقة عمل الفتة وبالهنا والشفا المقادير : ارز ابيض مستوى . عيش بلدى محمص . لحمة مسلوقة بالشوربة . صلصة طمامم بالخل والثوم . الطريقه: طريقة سلق اللحمة ( ضانى او بتلو او كندوز صغير او رقبة ) نضع الماء على النار وفية بصلة كبيرة مقطعة نصين، وملح وفلفل وبعد ما تغلى نضع اللحمة ونشيل طبعا الريم كل ما يطلع، وبعد ما تستوى 3/4 سوى نشيلها بالكبشة من الشوربة ونصفيها من الشوربة بالمصفاة.. ونشيل الشوربة على جنب. نجيب حلة تانية نظيفة ونحط فيها ملعقة كبيرة سمن، ولما تقدح نرمى فيها فصين مستكة وفصين حبهان.. ولما نلاقي ريحتهم طلعت نحط اللحمة في السمنة ونقلبها عشان نشوحها فى السمنة. طريقة عمل الصلصة بالخل و الثوم : نحط على النار 2 ملعقة سمن وعليهم راس ثوم مفروم لحد ما يصفر الثوم، وبعد كده نحط عليه 1/2 كوب خل لحد ما يغلي/ ونحط صلصة طماطم وملح وفلفل وبهارات وشوية مية صغيرة، ونسيبها لحد ما تتسبك حوالى 10 دقائق طريقة تركيب طبق الفتة : 1_ نقطع العيش قطع متوسطة فى الطبق او الصينية ونرشرشة بالشوربة لحد ما كلة يشرب شوربة 2_ نحط الارز على العيش ونفردة كويس ونحط عليهالشوربة اللي شيلناها بعد ما نغليها تاني 3_ نحط بالكبشة صلصة الطماطم على وش الارز كلة 4_ نرص قطع اللحمة على وش طبق الفتة وبالهنا والشفا