ردود فعل سريعة وغاضبة بعد منع اذاعة حلقة اخر كلام للاعلامى يسرى فوده

فى ردة فعل سريعة بدات تعليقات القراء بعد اعلان الاعلامى يسرى فوده على صفحته على توتير انه لن يقدم حلقة اليوم ويعتذر عنها والتى كان من المقرر استضافة كلا من الكاتب الصحفى ابراهيم عيسى والكاتب والمفكر علاء الاسوانى تعليقا على حوار المجلس العسكرى مع الاعلامية منى الشاذلى والاعلامى ابراهيم عيسى بالمس على قناه دريم 2 .
ابرز تعليقات ...
* اللي مكنش عايش عصر عبد الناصر ادينا بنعيده !
* انا شايف ان القناة تعرض فيلم " انا بضيع ياوديع "
* 20/10/2011 ليبيا تحصل على حريتها واحنا مجلسنا بيمنع برنامج تليفيزيونى سياسى . يال العار !!
* أيعتقد المجلس العسكري عندما يمنع برنامج آخر كلام الذي يحترم عقول مشاهديه أن الحقيقة لن تعرف.أنهينا نظام مبارك لكن سياستة مازالت تحكم
*وبعدين اخرتها ايه انا لسه عمالة اهدى فى الناس واقنعهم " بالإنخراط "يقوموا يعملواكده طب ليه !
* واضح ان يسري اتطلب منه خارطة طريق معينه للحلقه وطبعا هو رفض وبالتالي يبقي هو اللي اعتذر .
* اللى بيعاكس القطة بتخربشة فمابالك بأسد التحرير .
*لو موضوع الغاء البرنامج ده بجد, يبقى بيان يسري مكانه الميدان فى مليونيه ضد كل واحد بيحاول يخرس اي مصري .
* لأ هي فعلا ها تبقي نزيهة و شفافة !
* احنا هنفضل لحد امتا شعب اهبل !
* انا محترمه نفسي اهو لحد بس ما يسري يطلع يفهمنا ايه اللي حصل ولو طلع المجلس اللي لغاها مش هيحصل كويس!ثوره هي ولا لعب عيال!!!
* الجيش قام الثورة والشعب حامها .. ولذا سوف يقوم الجيش بتأميم جميع القنوات الخاصة وبعدين يخصخصها...نفس الفكر هيجيبه منين !
* الصبر يا جدعان .. لازم نفهم حصل إيه وبعد كده نتكلم وإن شاء الله خير
* عاوزين يخلونا نتفرج على الإعلام المصرى المضلل..معملنهاش أيام مبارك..حنعملها دلوقت؟والله إنتوا إتجننتو!!
* الغاء حلقة ابن فوده دليل قوى على اللى حصل امبارح كان تمثيليه على الغلابه وخافوا يسرى يفتح عيونهم على الحقيقه .
* أن تكون مسئولا غبيا ضيق الأفق أسوء مليون مرة من أن تكون مسئولا خائنا. !
* يوم ما القذافي اتقتل يسري فودة اتمنع من الهوا .. براحتكوا يا شعب مصر
* خليهم يرجعوها تانى مباركية على وزن ملكية وقال هيسخطوك ياقرد قال هيعملونى غزال يامصر هعقموكى وانت ولاد ..
مع حفظ حقوق التعليقات لكل معلق علي هاشتاج قناة اون تي في