فاضل طبق

فاضل طبق
والأكل يخلص منهم
واللى إنطبق
كل الأدِاله ضدُهم
بسمالله يالا قربوا .. مدوا الأيادي وجربوا
عشة ابويا فى دنيته وأنتوا بلاش تستغربوا
لازم تكونوا زينا .. وتدوقوا طعم الذل ده
تأكلوا كمان من أكلنا وتشوفوا أخرة كل ده
عبّارة غرقت والتمن .. أربع حطان هتلمُكُم
شوفتوا بقى حال الزمن .. جوة السجوُن هيضُمكم
صَرفتوا إيه شوُية فلوس .. علشان ميبأش فى حساب
إسأل يا ظالم فين أدوس .. ع الأرض هتسِف التراب
هتقضي عُمرك تفتكر .. وتدوق ألم وتشوف عذاب
ولادنا راحوا بزنبكم
وده مش جديد ..
فاكرين أكيد .. قطر الصعيد
ماتوا ضحايا .. إيه المشكلة
وشباب صبايا .. سفرت بعيد
والنار دى لسه مشعلِله
نسمع مصيبة .. جاية علينا مكملة
الأكل فاسد والحبوب دى مسرطانة
نطلع ونتكلم ونصرخ م التعب
تقولوا إن الشعب ده بيعمل شغب
والأكل داخل والبضاعة محملة
أكياس دم ملوثه .. يادي الأسىَ
وفساد إدارى تحت بند المحلسه
دى جريمة تانية عُمرها ماهتتنسىَ
خليتوا رُحكم .. زي ناظر مدرسه
وإحنا التلامذه .. ممنوع كلامنا وضحكنا
جرينا همزه .. على حرف عِلا فى حلمنا
وده عشان من بختنا
شوفنا الأمل جاي عندنا
كنتوا الكبار وبأسمُكم .. خدتوا القرار بحُكمُكم
ع الشعب لازم ينكتم .. وبدون كلام يسمعلُكم
ولا حد فاضي يسمعلنا
هو اللى مات فيكم ضمير
وللا اللى مات منكم جسد
أظن جوة السجن بير
هتعيشوا فيه كده للأبد
دى الحرب ليها جابهتين
مش جبهه واحدة عندُكم
وإحنا نزلنا فى جُمعتين
عُزّل وكنا ضدكم
جمعة غضب . جمعة رحيل
واللى إنكتب من فعلُكم
شِلنا رئيسكُم قابلُكم
وأنتوا إتحبستوا ف أرض بور
هتعيشوا باقى عُمركم
جوة السجون واقفين طابور
وسِجل في إيه يا ترىَ ؟
أصل التاريخ جوة السطور
راح يبني ليكم مجبرهَ