ريم البارودي: لو تيم حسن كان عازب كنت اتجوزته على طول

اكدت ريم البارودي إنها بتحب الفنان السوري تيم حسن اللى بتشاركه بطولة مسلسل “عابد كرمان” على المستويين الفني والإنساني، وقالت ريم "بحب تيم حسن على المستويين الإنساني والفني، وللعلم فيه بعض الاشاعات اللى خرجت علينا عن وجود قصة حب بينا أثناء التصوير، وطبعا كذبت الأخبار دى، خاصة وتيم شخص محترم وزوج وأب وبيتوتي قوي زيي ,ومش بيحب يظهر كتير في المناسبات أو وسائل الإعلام".
وضافت “فيه كيميا ظهرت بينا على الشاشة لدرجة أن الكاتب بشير الديك لما جه سوريا و شاف التصوير كان سعيد، وقال إنه لأول مرة بيلاقى الشخصيتين اللى بنلعبهم أنا وتيم راكبين قوي مع بعض”.وبشكل ساخر قالت ريم “لو ماكانش متجوز الفنانة السورية الجميلة ديما بياع كنت حبيته على طول”.
من ناحية تانية رفضت ريم النقد الموجه لدورها في مسلسل “إحنا الطلبة” وقالت "رغم اللى بيتكتب عن المسلسل من نقد سيئ جدا، إلا أنه بيتقال إني بجيد الدور اللى قمت بيه وقدرت اقوم بدور فتاة ليل بإقناع ومن غير خدش للحياء سواء في اللبس أو طريقة الكلام".ووضحت "ده أول دور أقدمه من النوعية دى، واتحذف 38 مشهد بالنسبة لي، ورفضت تصوير 3 مشاهد بديلة ل 38 مشهد، فبالتالي حصل خلل في الدراما، و في الشخصية اللى بقوم بيها."