من حقها

إرتاح شوية من السفر,إرتاحلها
برك وبحرك حضنها,لو قلبها
خبط عليك صعبان عليه,
إنك لواحدك وإنت فيه,
ماتخليهاش..
ترجع تعيد نفس الندا,إفتحلها
من حقها,
يتحس بيها وتبقى وإنت جنبها
مشتاقلها
من حقها,
إنك ماتستناش تقول:
.............عايزاك تقول: "بتحبها".
إنك في يوم..
تسألها عنك جوا منها
ولما تسأل هي قول:
إنك ساكنها وقول:
.......إجابتك عن سؤالها,عندها
إنك في يوم
تتعب وتجري عليها
قبل ما تحكي إنت
تشكي هي همها,تسمعلها
بعد أما تسمع وإنت ساكت..
هي تفهم قد إيه محتاجلها؟
من نَفسها
من حقها,
إنك تغير من غير ماتقسى
وتفتكر لو هي تنسى
والعتاب بالنظرة قبل الكلمة
وإن الطبطبة ف الحزن لمسة
........................................وإنها
تفضل معاك متأكدة
إن الحياة عندك كده
..................متحددة على قدها
من حقها
إنك تكون..
من غير ماتطمع في إمتلاكها
..................................ممتلكها
إن الأنوثة اللي ف جمالها
...............................من كمالها
مش عشان تنهشها
طول الوقت غصب وتنتهكها
بس وقت..
...............مايكتمل بيكوا الجسد
خليها حاسة إنك كإنك,
........تاني مرة بتتولد من نبضها
من حقها:
................"إنك تكون من حقها".
:::::::::::::::::::::::::::::::::::::::::::::::