الطلق

زي ما الموج العفي
بيشد من تحتك خطاك
فما تلتقيش ف البحر شطك‮ !!‬
زي ما الغيم‮ ‬يندلع
يفرش علي الكون‮ ‬غيته
يسحب من اليوم الدفا
يخنق ضياه‮ !!‬
زي ما النور‮ ‬يعتلي
تاج الإمارة
يمتثل فجأه بايده
‮"‬الصولجان‮"‬
يشنق سواد الشوف
و‮ ‬يكنس عتمته‮ !!‬
كان الصريخ
غاشي العيون
طافح علي كل الحواس
فما حسناش
لون السما
صوت الهدير
وقت ان ما‮ ‬يتلاقي
النهار والليل‮ ...‬
نتف الهوا
وقلوب زماين عشتها
واحنا
سند كنا وتحويطة أمل
ع اللي ح‮ ‬يشرق منها
والكل مترقب مخاضه‮ ..‬
اتشجعي
وما تحسبيش كام الوجع
وشمك ح‮ ‬يطلع ع المدي
و‮ ‬يعدي بعد الكون
بكون‮ ...‬
اتمددي
جزي علي أيامك
و روحي بره جدرانك
وهلي
انطري كل الأيادي
والابر
حتي الكفوف اللي بتمسح
عن جبينك‮ ........ ‬ميته‮ !!‬
وقف الشريط
عجل الحياه بطل‮ ‬يدور‮...‬
ما فضلشي‮ ‬غيره‮ ..‬
مالي كل الدنيا
والناس والخلا
طلق القصيدة‮ ..!‬