* مع احترامي الكامل لتشكيل الحكومة الجديدة إلا أن هناك حوالي 4 وزراء كان لازم يلبسوا البيجامة أو الروب ومش هاقول عليهم عشان مابقاش زي اللي بيهدموا وخلاص .. ولكن شابوه لبقاء غادة والي وسحر نصر وإيناس عبد الدايم .. وتحية تقدير لتولي الفريق يونس المصري حقيبة الطيران .. وكل التحية والشكر والاحترام للفريق أول صدقي صبحي واللواء مجدي عبد الغفار.. وياااارب عقبال حركة المحافظين وأمنياتي بالحفاظ علي اللي شغالين منهم في الشارع مش من المكاتب المكيفة. * لو سمعوا كلامي ودخل الإعلام الحكومي تحت راية إدارة الشئون المعنوية كان زمانه في السما لأن الشئون المعنوية مدرسة متفردة تحت قيادة واعية فاهمة وطنية اللواء محسن عبد النبي. * إمام مسجد بالمعادي اسمه "عاصم" أصيب بجلطة في رجليه وقعد يتعالج منها 3 شهور وماخفتش وبعد صيام أول 10 أيام في رمضان راحت الجلطة.. سبحانك يارب. * لو شفنا الصور التي نشرتها الصحف خلال أيام العيد للسائحين في شرم الشيخ.. هانعرف قد إيه فيه ناس تعبت واشتغلت عشان الصورة ترجع حلوة من تاني.. الناس دول من المحافظة وبعض الوزارات!! * لينتظر المصريون الليلة تحقيق الحلم بفوز منتخبنا القومي علي روسيا حتي يتجدد الأمل في الصعود لدور الثمانية بالمونديال.. وسيرفع المصريون أكفهم إلي الله يتضرعون إليه أن يكرم ويوفق محمد صلاح. الذي تنعقد عليه الأمنيات.. وكل الناس بيقولوا "يا رب". * يا عيني علي طلبة الثانوية العامة وأهلهم.. لم يشعروا بطعم رمضان ولا العيد.. وصعبانين عليَّ!!