معكم

من علي تويتر

** يا سلام لو الواحد يلاقي مليون جنيه ع الصبح كده.. وياريت كمان شوية فكة عشان المواصلات...¢فقري.. فقري.....¢.
** الناس اللي عايشين في القطب الشمالي أكيد مبيعرقوش.. يا بختهم.
** لازم حد يلاقي حل للتوقيت الشتوي ده.. مش معقول الساعة 5 الصبح.. الشمس طالعة والعصافير قالبة الدنيا.
** لو وقعت علي الأرض.. ح اقتلك.. من مأثورات أم مصرية.
** مش عارفة أيه الغرام المستفز ده بيني وبين البسكويت.. يخرب بيت كده هبقي بقرة.
** أحلي إحساس إن الواحد يكون فاضي وموراهوش حاجة لمدة 24ساعة.. إحساس مجاليش بقالي 4 شهور.
** مفيش اتنين ممكن يختلفوا علي إن أي قصيرة في الدنيا دمها خفيف.
** العائلة السعيدة هي التي تملك شواحن موبايلات أكثر من عدد أفرادها.
** صفي ضميرك وربنا يديلك.. من علي الميكروباظ.
** وكم من شيء كسرته في البيت واتحط في الزبالة ولا من شاف ولا من دري.
** هو في أحلي من إنك تقعد تضحك مع حد بتحبه لحد لما عنيك تدمع.
** حد يتجوزني ويوديني أمريكا أعمل شوبنج.. ومش هطلب منه حاجة تانية.
** هي عشان بتحبه بتحكي عنه لطوب الأرض وهو عشان بيحبها مش بيحكي لمخلوق عنها.
** علموني عنيكي أسافر.. علموني أفضل مهاجر.. هيا عنيكي دي ممكن ألاقي فيها عقد عمل.
** سعيد.. والنبي تعالي هاتلي حاجة من تحت.. والله يا ماما مش قادر.. آه ما انت لو واحد صاحبك قالك تعالي ننزل هتقوم تجري.. ¢أمي في كل مرة بتطلب مني حاجة¢!
** بدلة شيك.. أناقة وجمال.. اجتماع علي مستوي القاعدة.. تناكة وبرستيج.. حضور وطلاقة.. وفجأة عاوز تهرش في نص ضهرك!
** الميزة الوحيدة في إنك تخلف.. إنك تضمن لما تروح الشغل إن فيه حد بينكد عليها بالطلبات.. ¢من يوميات زوج ندل¢.
** الأمهات بتستغل بناتها اللي رايحين يتجوزوا.. يغسلوا ويطبخوا ويكنسوا.. قالك فترة تدريب!
** وسيذكر التاريخ يوما أخفينا فيه الموبايل تحت المخدة وإحنا عاملين مصيبة.
** المفروض الواحد يغير التليفون كل أسبوع.. جالاكسي s4 نازل الأسبوع الجاي.. يا تري كوريا مخبية لينا إيه تاني؟