باسم يوسف يوجه رسالة قاسية للسيسي ويصفه ب "طبيب الفلاسفة"

فوجئ متابعو الإعلامي باسم يوسف برسالته التي وجهها مباشرة عبر صفحته على موقع "فيس بوك" للرئيس عبد الفتاح السيسي، تعليقا على تجاوزات أمناء الشرطة مؤخرا.
ووصف الكثيرون رسالة باسم بأنها قاسية وجريئة، حيث جاء فيها: "سيادة الرئيس طبيب الفلاسفة عبفتاح السيسي: أصل حاجة من الاتنين: يا اما إنت مسؤول مسؤولية كاملة عن اللي بيحصل في البلد من بلطجة أمناء الشرطة لحبس كمية الناس المظلومين من ناس مالهاش ضهر لشباب مالهمش ذنب لكتاب وصحفيين مش المفروض يبقوا في السجن، لاقتصاد بايظ بسبب قرارات غبية قلنا قبل كده انها غبية لناس بتطلع تهفلط واسمهم لواءات لسياحة بايظة مرة عشان طيارة بتقع ومرة عشان سلاح طيرانك بيطلع يضرب سياح في الصحرا للبوليس بتاعك بيقبض و يعذب ويقتل أجانب زي ما بيعذب المصريين في الأقسام لجهاز إعلامي موجه و قذر لخمسين حاجة تانية بتعبر عن الفشل والغباء والغشومية".
كذلك سخر باسم من الهجوم الذي تزايد عليه بسبب تقديمه برنامج عن السياسة بأمركيا، واتهامه بأنه يعلن تأييده لها، موضحا أن برنامجه ينتقد أمريكا وسياستها وليس العكس.
وقال باسم: "الغريبة اني ناشر الصور بتاعتي وأنا لابس لبس مموه في برنامج باسخر فيه من السياسة الأمريكية في برنامج تم الإعلان عنه أكتر من مرة. الصور اتاخدت في معرض أسلحة و ده شئ عادي هنا. وأنا باتريق على جنون امتلاك السلاح هنا والتعديل التاني من الدستور الأمريكي. وحطيت الصور على انستجرام وعلى تويتر وبتقول اني بصور برنامج. ومع ذلك فيه ناس عبيطة بتقول اني بأعلن الولاء لأمريكا و لابس لبس الجيش بتاعهم عشان كده. انتم هبل؟ ما أعتقدش؟ انتم بتستعبطوا وعارفين إنكم بتستعبطوا . وأدي الصور تاني، ياللا زيطوا".