تامر حسني يدافع عن ممدوح عبد العليم!

وجه النجم تامر حسني رسالة قوية للشباب من خلال صفحته على ال"فيسبوك"، حذّر فيها من روح الشماتة التي بدأ يلمسها بين البعض حتى في الموت، في إشارة إلى ما فعله بعض ناشطي "الإخوان المسلمين" عقب إعلان وفاة الفنّان ممدوح عبد العليم.
وكتب تامر: "يا شباب ايه رأيكم في الناس اللي بقت بتتريق وبتهزر وبتشمت في مصايب الناس.. أنا شايف بقى فيه ناس كتير بتفرح في ابتلاءات الناس.. وبَقى في لهجة غريبة عمرها ما كانت في ولادنا لهجة توصل بالاستهزاء حتى بمن توفاه الله وفجأة يعطون لنفسهم الحق في محاسبته حين سماع خبر وفاته والمضحك توقعاتهم له الآن وينسون أنفسهم".
وتابع متسائلاً: "ليه بقى فيه ناس كتير مشغولين بهدم الآخرين بدلاً من بناء أنفسهم.. بقى فيه ناس بسهولة ممكن تتخلَّى عن أهلها وعن حب عمرهم وعن مبادئهم.. في لخبطة غريبة في مشاعر بعض الناس، كبرت اوي روح الشماتة وعدم الرحمة وسطنا حتى الصحاب بقى معظمهم يفكر بسوء نية في الآخر".
وختم: "أنا عارف إن ورا كل ده حاجات كتير زي البعد عن ربنا والاستخدام الخاطئ للإنترنت ودخول أفكار غريبة ملوثة علينا وطبعاً سوء التربية وأصحاب السوء.. أنا واثق ان كل حد فيكم عارف الكلام ده كويس بس تفتكروا بقى إيه الحلول من وجهة نظر كل حد فيكم".
يذكر أن بعض الصفحات التابعة لجماعة الإخوان المسلمين على ال"فيسبوك" وأبرزها صفحة الناشطة آيات العرابي ، قد عقبت على رحيل النجم ممدوح عبد العليم، بنوع من الشماتة وذلك بسبب موقف الفنان الراحل المؤيد للرئيس عبد الفتاح السيسي.