بالفيديو.. زوجة عز: "لو بتوع طرة جامدين خرجوهم يحكموا".. وأديب يرد: احترمى نفسك

القاهرة : - قالت "عبلة" زوجة أحمد عز، أمين التنظيم السابق، فى الحزب الوطنى المنحل "لو كان كل مصيبة فى البلد سببها اللى فى سجن طرة، ياريت تخرجوهم يمسكوا البلد ماداكم همه جامدين كده". وأكدت أن من يطالبون بتوزيع رموز النظام السابق على السجون، وليس وضعهم فى سجن واحد، عليهم أن "يختشوا" مما يقولوه.
أضافت فى مداخلة هاتفية، مع الإعلامى عمرو أديب، خلال برنامج "القاهرة اليوم" مساء أمس الجمعة بحسب الاهرام :"انتو مالكم ومال اللى فى طرة، سيبوهم فى حالهم، هم حاليا فى أيدى القضاء، ويحاكمون فى قضايا واهية"، وحين رد عليها عمرو أديب قائلا :"لما هى واهية بتتدخلى فى شغل القضاء ليه؟" فردت عليه :"أنا من حقى أدافع عن الراجل.. وبعدين مش انت اللى طلبت إنه يتعدم" فرد عليها قائلا "محصلش.. أنا قلت المفروض كل واحد فيهم يروح سجن".
هنا سالته "عبلة" : "انت مالك يقعدوا مع بعض ولا ميقعدوش.. هو سيادتك وزير العدل؟" فرد عليها عمرو أديب: "انت عايزاهم يقعدوا مع بعض ليه.. وبعدين انتى ناسية ان أحمد عز عليه حكم ولابس البدلة الزرقا؟" فقالت له: "كرامة الراجل مش ببدلته يأستاذ عمرو".
حين تمسك عمرو أديب بعبارة: "انتى يهمك فى إيه إنهم يفضلوا مع بعض فى سجن واحد" ردت عليه قائلة: "كفاية كلامك السخيف ده" لكن رد بتعصب عليها قائلا: "احترمى نفسك.. ده مش تليفزيون جوزك".