بعد الانتخابات:عايز تسيب دقنك كده سيبها..وتعالى على نفسك وحددها

مع اقتراب ظهور النتائج المؤكدة للمرحلة الأولى من الانتخابات التشريعية بمصر، ومع التكهنات القوية بسيطرة الإخوان المسلمين والسلفيين على مقاعد مجلس الشعب، انتشرت التعليقات الطريفة التي تنتقد بشكل أو بآخر سياستهم.
وواجهت هذه التعليقات انتقادات بشكل موسع للغاية بين مؤيدي الإخوان من جهة وبين معارضيهم الذين رأوا ان بعض هذه التعليقات يسئ بشكل او بآخر للإسلام نفسه وليس الإخوان أو السلفيين كما يعتقد مبتكروها.
وفيما يلي عدد من أبرز التعليقات التي جاءت في هذا الصدد:
- أغانى الموسم:
عمرو دياب : ولسة بتحبو يا سلفي ، يا سلفي حرام عليك
عمرو دياب :عايز تسيب دقنك كده سيبها ... وتعالى على نفسك وحددها
عمرو دياب : يا ريت لبسك يزيد مترين عشان لبسك كده قصير
عمرو دياب : الأخت عامله ايه دلوقتي ومين حيقيم عليها الحد
عمرو دياب : من كام سنة وانا اخوان اخوان
نانسى عجرم: أنا سلفي وأبويا سلفي..بزبيبتي ودقني سلفي.. وكل سلفي بارك الله فيه
عدوية:يا بنت "الاخوان"...حلمك علي "البرلمان".. ده المجلس في أيديكي و ساويرس عطشان
شعبولا: حبطل ابقة ليبرالى واكون اخوان شديد.. و من اول يناير حجيب اسدال جديد حجيب اسدال جديد و ايه.
- ان شاء الله:
مؤمن هيبقي الدليفري الوحيد في مصر..سيتم تغيير الطريق الدائري الي الطريق المستقيم.. درينكيز هتبيع سوبيا.. التوحيد والنور حيفتح في سيتي ستارز مكان زارا.. هيشيلو التفاحه بتاعة اى فون و يحطو بلحه.. لما تدخل كنتاكي تطلب دينر بوكس تلاقيه مغطيلك الصدر والورك بمنديل وأن مصر هتختار شيبسي بطعم التمر سخرية من إعلانات شيبسي المتكررة بالفضائيات المصرية عن مصر هتختار شيبسي بأي طعم، وأن أقوى شتيمة هتكون ثكلتْك أمك، وأن محلات التوحيد والنور الشعبية هتفتح في سيتي.. تعديل الكي بورد بأجهزة الكمبيوتر ليشمل الكي بورد المعدل على كلمة إن شاء الله بعد كلمة إنتر، ولما يتكلم حد على الهاتف ويكون مغلق تظهر الرسالة الصوتية الرقم المطلوب مغلق والله أعلم".
- وسيذكر التاريخ أن في نفس السنة التي صوت فيها المصريون للفستان البمبي في عز رمضان، صوتوا فيها أيضا للإخوان وللسلفيين في الكريسماس.
أما مؤيدو الإخوان المسلمين والسلفيون فلم يقبلوا بهذه الدعابات وردوا عليها بعدد من العبارات كان أبرزها، كالآتي:
مرة واحد اسلامى دخل الانتخابات
نجح ، قالوا : بسبب الشعارات الدينية.
سقط ، قالوا : خايب ودخلها ليه أساساً .
قاطع الانتخابات ، قالوا : شفتم السلبية وبيتكلم عن الايجابية والمشاركة ؟!!
... دخل بأغلبية ، قالوا : عشان يكوش على المقاعد وتبقى دولة دينية.
.. دخل بثلث المقاعد ، قالوا : عشان حق الفيتو ويعترض لنا في كل حاجة.
دخل بأقلية ، قالوا : شفتم .. ده حجمهم الحقيقى.
ساب لهم البلد ومشى ,قالوا : سابولنا البلد خربانة وطفشوا.
ساب الأرض وراح المريخ , قالوا : شفتم ... حايعمل غزو عربي وينشر الوهابية .
رجع تاني يزورهم , قالوا : عاوز يبقى زي الخوميني ويمسك الحكم .
رفع عليهم قضية سبّ قالوا : بيسئ استخدام الحق العام وضد حرية التعبير واحنا كنا بنهزر
فقد اعصابه وشتمهم قالك شوفت السفاله
سابهم وراح اعتكف قالك شوفت الدروشه
زهق ورمى نفسه ف النيل قالك انتحر بن الكافره
قعد على جنب يقرا قرآن، قالوا بيعزم علينا
قال حسبى الله و نعم الوكيل، قالوا بيحسبن علينا
قام راح شغله، قالوا طمعان فى الدنيا
نزل التحرير، قالوا ركب الثورة
سابلهم التحرير، قالوا خان الثورة
ربى دقنه، قالوا متمسك بالمظهر مش الجوهر
حلق دقنه، قالوا منافق