أحمد السقا يحارب الفتنة ب"المصري المحترم"

كشف الفنان أحمد السقا من خلال صفحته على الموقع الاجتماعي "الفيس بوك" أنه انتهى من كتابة أغنية جديد عنوانها "المصري المحترم" والتي تؤكد على الوحدة الوطنية بين المسلمين والأقباط في مصر.
وقال السقا أن أغنيتة الجديد تؤكد على الروابط التاريخية المشتركة بين المسلمين والأقباط، داعياً كلا الطرفين إلى الاحتماء بها لدرأ الفتنة.
وتقول كلمات الأغنية: "المصري المحترم.. إن كان مقدس قبطي أو مسلم لسه راجع م الحرم.. هو إللي يبني مش يهد.. هو اللي وقت الشده يسد.. ما اللي فحت القناة وعللى السد.. وجده بنى الهرم.. ماينفعش نقوللوا غير يا محترم.. عايز تبقى مصري.. عللى سد ومد جسر ومد إيدك لإيد أخوك... نبني ميت مليون هرم.. والكلام للمقدس واللى راجع م الحرم.. للمصرى المحترم".
وفور الاعلان عن أغنيته تلقى السقا العديد من التعليقات بخصوص الأغنية، حيث عبر محمد الحوفي عن أمله أن يعمل بها مسلمو وأقباط مصر، وحذر من مصير السودان، قائلا: "وكلنا مسلمين وأقباط إيد واحدة.. لأننا مش السودان ولا هنكون أبدا.. وبعدين من إمتى فيه فرق بينا؟؟... ثورة 19 وقناة السويس وحرب أكتوبر وكل ده شهد علينا أننا إيد واحدة.. ولا إيه!!".
تجدر الاشارة أن السقا سبق وأن قام بكتابة أغنية عن الوحدة الوطنية، بعد أحداث كنيسة القديسين في الإسكندرية في ديسمبر الماضي، وتقول كلماتها: "شنودة أخويا قال لي يا أحمد احميني.. أنا جنبك يا أحمد صغير أوعى تئذيني.. قلت له يا شنودة يا أخويا إنت في عيني.. بس إوعاك في يوم تصدق كلام عدويني.. دول عايزين يفرقونا ويخلوك تعاديني.. وإحنا هنا كلنا واحد ونيلك هو نيلي.. بعدين مفيش كبير وصغير يا خليلي.. ده أنا لو إتعريت في يوم إنت تغطيني.. وطنا واحد ونهارك نهاري وليلك ليلي.. أي أذى ليك يا أخويا هو كمان يأذيني.. حط إيدك في إيدي نكسر غشاوة عينك وعيني.. ونخلي شمس مصر تدفيك وتدفيني.. ونخليها تحرق عدويك وعدويني".