مبارك وعز وسوزان وعصابة طره لاند.. نجوم رسائل التهنئة بالعيد

عيد الفطر هذا العام شكل آخر بعد الثورة المصرية، ورسائل المعايدة والتهنئة أصبحت بروح ثورية، خاصة أن هذا العيد هو أول عيد يحتفل به المصريون بدون الرئيس السابق و عائلته و نظامه الفاسد.
وبهذه المناسبة قام الفيسبوكيون بتأليف مجموعة من الرسائل النصية الجديدة، المغلفة بروح الثورة المصرية لتعيد بها علي أهلك وأصدقائك، سواء عبر تليفونك المحمول أو الفيس بوك.
كن مختلفا هذا العيد، وهنئ أصدقاءك برسائل ثورية:
- من النهاردة مفيش عيد مبارك، العيد بقى سعيد ولو مش مصدق روح طره لاند وكل كعك مع منتخب الفاسدين.
- لأول مرة من 30 سنة العيد مبارك من غير مبارك .. عيد جنان من غير سوزان .. عيد حلال من غير جمال .. ونعيش سعداء بدون علاء .. نأكل بط و وز من غير أحمد عز .. نأكل أكل خفيف من غير نظيف .. نشرب اللي نحبه من المشاريب من غير غالي ولا حبيب .. كل سنة وأنتم طيبين.
- العيد السنة دي غير كل الأعياد .. وبلدنا اتطهرت من الظلم والفساد .. مصر أحلى من غير مبارك وسوزان والأولاد.
- قبل ما تشارك في مليونية .. وتطالب بالطلبات اللي هيه .. محتاج منك حاجة صغيرة ليه .. انك تسمع مني الكلمة ديه .. كل سنة وأنت طيب وفي قلبي وعينيه.
- الشعب يريد .. كعك العيد .. من عندكم هدية .. وكل سنة وانتم طيبين
- فاضل يومين ع العيد .. وكلنا بنهتف الشعب يريد .. العيدية من البنكنوت الجديد .. عشان نخرج في مليونية نقولك كل سنة وأنت طيب وعيدك سعيد
- أحلى ما في العيد العيدية .. والأحلى إنها تكون منك هدية .. وإلا ها نجيلك بمليونية .. فيها قلبي وروحي وعينيه .. نهتف ونقولك عيدك سعيد..