طلعت زكريا: لم ولن أعتذر للثوار وأنا متمسك بكل كلمة قلتها

أكد الفنان طلعت زكريا انه لم يعتذر للثوار ولن يعتذر في المستقبل عن تصريحاته التي أدلى بها في حقهم حول تعاطيهم للمخدرات وإقامتهم للعلاقات الجنسية المشبوهة داخل ميدان التحرير.
وقال طلعت في حواره مع جريدة "الفجر": "لم أعتذر، ولن أفعل ذلك مستقبلاً لأنني لم أُصرح بأي شيء تجاه شباب الثورة، ما حدث هو أنني اتهمت الشباب القليل الذي كان موجودًا بميدان التحرير".
وأضاف: أنا تصريحاتي مش هغيرها سواء تجاه الرئيس السابق أو تجاه المتظاهرين وأنا فعلا قلت ان فيه ممارسات سيئة تحدث في ميدان التحرير أثناء الثورة من خلال فئة من الجمهور وأنا نزلت ميدان التحرير وشوفت بعيني هخاف من ايه لكن نزلت متنكر لأن تامر حسني كان قبلي بيوم وانضرب من المتظاهرين".
وتابع: "شوفت على أطراف الميدان اللي نازل هو وصاحبته يفسحها واللي بيشرب مخدرات لكن شباب الثورة الحقيقيين عملوا الثورة يوم 25 و26 ومشيوا بعد كده اتخرب ميدان التحرير أصبح متنزاه للفرجة والفسحة خصوصا ان كان في نصف السنة ومفيش أماكن يتنزهوا فيها".
وعن موقفه من الرئيس السابق، قال طلعت: "أنا مش عارف هما حطني في القائمة السوداء ليه أنا اتكلمت عن مبارك الإنسان ومليش دعوة بمبارك الحاكم حتى لو هو اللي قتل المتظاهرين بنفسه أو هو اللي خرب البلد هو عمل حاجة حلوة معايا وأنا باعترف بيها وأنا باعترف اني بحب مبارك أنا بحبه أنا مع مبارك قلبا وقالبا".
وأضاف: "أنا مستعجب من القائمة السوداء التي تتنافى مع الحرية والديمقراطية وبعدين مين أصلا اللي عمل القائمة السوداء ده أنا لما بقابل حد من شباب الثورة بيقولوا انهم معملوهاش، المجلس العسكري معملهاش امال مين اللي عملها هنبدأ نشك في بعضنا أنا بتساءل مين اللي عمل هذه القوائم السوداء؟ أنا اعتقد الفنانين اللي نزلوا ميدان التحرير هما اللي عملوا القوائم السوداء للفنانين اللي قالوا تصريح خطأ عن الثورة".