الفيسبوكيون يتساءلون: هو خير أجناد الأرض بياكلوا إيه؟؟

بمناسبة الاحتفال بالذكري 59 لثورة 23 يوليو، قام أحد الجروبات على الفيس بوك بنشر صورة من مراسم الاحتفال برجال الجيش، ونظرا للياقة البدنية العالية للجنود وشكل وتقاسيم أجسامهم الملحوظ، كتب تعليق على الصورة " هو خير أجناد الأرض بياكلوا إيه؟ ".
فنهالت التعليقات الطريفة معلقة على الصورة:
- إحنا الشعب الوحيد في العالم اللي بياكل الأرانب الدول الأوربية بتعتبرها حيوانات أليفة، إحنا الشعب الوحيد اللي بيشارك الحيوانات الأدني منها في السلسلة الغذائية في طعامها (الفوووووول) إحنا شعب جبار، لا مبيدات مسرطنة ولا بلهارسيا ولا سحابه سوده.
- بياكلوا ناس صاحية
- بياكلوا فول يا معلم
- بياكلوا الأرض نفسها
- دول عندهم حساسية أو انتفاخ
- دول ناس كتير في بعض ...علشان أزمة السكان
- بياكلوا محشى بما أن النهاردة الجمعة
- فراخ صاحيه ياعم الحاج
بينما كان معظم التعليقات تدعو لهم بالصحة فهم جيش مصر العظيم حامي الحمى:
- ما شاء الله تبارك الله .. اللهم احفظ مصر و جيشها و شعبها
- طبعا خير أجناد الأرض ربنا يحميهم يا رب
- بسم الله ما شاء الله ربنا يحميهم
- قل أعوذ برب الفلق
- بسم الله ما شاء الله المفروض كل واحد يعمل عروسه عشان الحسد صاعقة صاعقة صاعقة