عمر الشريف: حياتي لم تكن مثالية..وأطلب من الله أن يسامحني

هبة أيوب - عيون ع الفن:
أكد الفنان العالمي عمر الشريف أن يرفض كتابة مذكراته الخاصة لأنه لا يريد أن يُشهّر بأحد أو يذكر سيرته بشكل غير جيد، خاصة وأن حياته شهدت العديد من الأخطاء التي يتمنى أن يسامحه الله عليها، على حد قوله.
وأوضح عمر الشريف وجهة نظره في هذا الأمر قائلاً: "أنا ما بحبش أجيب في سيرة الناس، مفيش حد بيعيش لوحده، كل يوم ممكن تقابل ناس جديدة والأيام بتفرق كمان الناس عن بعض، الموت ياما بيخطف وكمان السفر والغربة، يبقى إزاي احكي سيرة حياتي من غير ما اتكلم عن فلان وعلان".
وأضاف عمر:" طب ينفع أقول فلان ده كان كذا وكذا وعمل كذا، مش ممكن ده يؤثر على حياته دلوقتي، ولو كان مش عايش ممكن يؤثر على حياة أولاده وأهله، دي مش أخلاقي أبداً عشان كده أنا شايف إن غلط جداً إن الواحد يكتب قصة حياته وممكن لما يموت يبقي حد يكتبها".
وتابع قائلاً: "مين اللي ما بيغلطش، فحياتي لم تكن مثالية، فهناك ناس غلطوا بحقي، وناس أنا غلطت بحقهم لكني لست من الذين يسجلون كل ما يمر عليهم في دفتر الملاحظات كما لا أحقد في قلبي على أحد، وأعي أن الإنسان بطبعه قد يخطئ ويصيب، فنحن لسنا ملائكة، لذلك الفنان إنسان ومعرض للخطأ بحق غيره".
وفي نهاية حديثه أكد عمر الشرف أنه على ثقة كبيرة برحمة الله عز وجل، وقال: "أنا عارف إن ربنا يمكن يسامحني عشان أنا إنسان مسالم مع جميع الناس بطبعي، عمري ما تعمدت أن أؤذى إنسان، وزي ما بيقولوا اللي في قلبي على لساني عشان كده ما باعرفش أكذب وبيقولوا عليا إني مسحوب من لساني ومزودها حبتين في موضوع الصراحة ده، علشان أنا مش باخاف من حد يبقى حاكذب ليه".