بالفيديو.. في تسريب جديد.. السيسي: "مليش دعوة" بالعناصر اللي قتلت المتظاهرين أمام "الحرس"

بثت قناة الجزيرة مباشر مصر، منذ قليل، مقطع صوتي جديد مسرب لعبد الفتاح السيسي قائد الإنقلاب العسكري قال فيه: يوم 26 كنت سعيد جدا جدا لحد ما نكدوا علينا بالإجراء اللي عملوه في حادثة المنصة فضيعوا بهجة اليوم خالص.
وأضاف السيسي "أثناء قرار فض اعتصام الحرس الجمهوري القوات كانت موجودة شرطة وجيش و في مشكلة كبيرة كبيرة جدا لما بيكون في حالة تلاحم بين المتظاهرين ممكن الناس تقتل بعضها من غير ما تفهم.
وتابع في الجيش عشان تضرب لازم خطوط و فواصل بين الناس و ده اللي بنتدرب عليه اللي حصل ان كان في عناصر موجودة مسلحة من مين مليش دعوة و ترتب على ده طبعا إن في خسائر غير مبررة ؛ لكن مش معقول أبدا تيجي تتظاهر قدام المكان اللي كان فيه الرئيس محتجز بداخله و تم نقله لمكان آخر في نفس اليوم ده".