مدير الزمالك الإدارى في "الدفاع": الجماهير أبلغتنا «إن فيه ناس ماتت»

استمعت النيابة لأقوال محمد أنور محمود إبراهيم المدير الإدارى لفريق نادى الزمالك فى يوم 11/2/2015.. وجاء نص الاستماع إلى الأقوال كالتالى:
■ ■ سؤال المدير الإدارى لفريق نادى الزمالك
محمد أنور محمود إبراهيم
بتاريخ 11/2/2015
اسمى/ محمد أنور محمود إبراهيم 41 سنة
المدير الإدارى لنادى الزمالك لفريق كرة القدم ومقيم 13 شارع جوهر - المهندسين - العجوزة - الجيزة ويحمل بطاقة رقم قومى 27408242102691
حلف اليمين
س: ما طبيعة عملك واختصاصك الوظيفى؟
ج: أنا المدير الإدارى لفريق الكرة بنادى الزمالك وأختص بالشئون الإدارية الخاصة بلاعبى كرة القدم بنادى الزمالك.
س: وما معلوماتك بشأن الواقعة محل التحقيق؟
ج: اللى حصل إنى يوم الأحد اللى فات 8/2/2015 كان فيه مباراة بين نادى الزمالك وبين إنبى فى ملعب استاد الدفاع الجوى طريق NA وإحنا كنا موجودين من اليوم اللى قبله فى فندق ماريوت المطار للاستعداد للمباراة وتحركنا من الفندق فى يوم المباراة أنا والجهاز الفنى واللاعبين وعمال غرف الملابس بأوتوبيس نادى الزمالك نحو الساعة الخامسة والنصف مساء وأول مادخلنا طريق NA اللى موجود فيه الاستاد فوجئنا بوجود مجموعة من الجماهير تقف أمام الأوتوبيس وتعوق حركته وقاموا بتحدث بوجود تذاكر معهم وعدم تمكينهم من دخول الاستاد وأخبرونا إن فيه ناس ماتت وناس متعورة وطلبوا مننا الانسحاب من المباراة وقعدنا كده فى الأوتوبيس واقف ساعة بنفس الوضع والجماهير بتصرخ، وإحنا فى الأوتوبيس مش عارفين نعمل إيه ومش عارفين مدى صحة كلام الجمهور ده إيه وبعدما عدّت الساعة فوجئنا بالشرطة قادمة فى الاتجاه المعاكس وقاموا بإطلاق قنابل غاز مما أدى إلى تفريق الجمهور الموجود حوالين الأوتوبيس، وفى الوقت ده دخل الغاز جوه الأوتوبيس وحسينا بالاختناق ونزل أغلب اللاعبين من الأوتوبيس وقامت الشرطة بنقلهم بمدرعة خاصة بهم إلى داخل الملعب وبعد كدة دخلنا بالأوتوبيس بعد ما فتحوا لينا الطريق وبعد كده طلبنا من مراقب المباراة تأجيلها إلى الساعة الثامنة وبدأنا المباراة واتلعبت وبعد انتهاء المباراة خرجنا من الاستاد نحو الساعة الحادية عشرة والربع مساء وإحنا فى الطريق رايحين الفندق سمعنا إن فيه ناس توفت وهو ده كل اللى حصل.
س: متى وأين حدث ذلك؟
ج: الكلام ده حصل يوم 8/2/2015 أمام استاد الدفاع الجوى بمدينة نصر.
س: وما الذى شاهدته تحديداً حال وصولكم لذلك المكان؟
ج: إحنا أول ما وصلنا لطريق NA فؤجئنا بوجود جمع كبير من الجماهير كان ماشى وأول ما شاف الأوتوبيس وقفوا أمامه وقعدوا يقولوا لنا إحنا معانا تذاكر ومعرفناش ندخل المباراة وإن فيه ناس ماتوا وناس اتعورت وطلبوا مننا الانسحاب من المباراة وكذلك طلب البعض منهم تذاكر.
س: وهل كان أي من سالفى الذكر يحمل ثمة أسلحة أو ألعاباً نارية حال وقوفهم أمام الحافلة الخاصة بنادى الزمالك؟
ج: لا هو البعض منهم كان معاه تذكرة والبعض الآخر معهوش حاجة خالص.
س: وما العبارات التى تحدث بها الجمهور حال وقوفه أمام الحافلة؟
ج: هما قالوا إنهم مش عارفين يخشوا المباراة وإن فيه ناس ماتت وناس اتعورت وطلبوا مننا الانسحاب من المباراة وناس تانية طلبت تذاكر للمباراة.
س: وهل قام أى منكم بالتأكد من صحة ما ادعاه الجمهور حال إعاقته طريق الحافلة؟
ج: إحنا سألنا ضابط شرطة وقال لنا مافيش حاجة ولما دخلنا الاستاد لقينا الجمهور بيشجع فقلنا إن ده كلام مش صحيح.