في "عيد الأم".. نيللي كريم لوالدتها: بحبك وبتخانق معاكي ومش بسمع كلامك

هنأت الفنانة نيللي كريم والدتها بمناسبة "عيد الأم"، قائلة: "إلى أغلى حد في الحياة كلها، ماما ثم ماما ثم ماما، بحبك وبتخانق معاكي ومش بسمع كلامك وبعاندك معظم الوقت، وأنتي دائمًا صح علشان عندك حاسة الأم اللي دائما بتطلع صح".
وأضافت، في رسالة عبر صفحتها الشخصية على موقع التواصل الاجتماعي "فيس بوك" جاء فيها، "لو حد ليه فضل عليا بعد ربنا هي ماما فقط، هي اللي جنبي وهي اللي بتساعدني وهي اللي شايلة وشالت كل عيالي في عز شغلي أو تقلباتي النفسية والعصبية، حتى وهي عيانة قلقانة عليا".
وتابعت "مش عارفة أقول ليكي شكرا على إيه ولا أيه، أشكرك أني لسة عايشة ولسة زي ما ربتيني أكون إنسانة محترمة وأحترم كل اللي مش محترمين، سامحيني لو لسة مش بسمع الكلام، بحبك أد الدنيا وأنتِ الدنيا".