زينة ل"عز": "أنت عارف أنهم ولادك.. يا أخي استر ده ربنا بيستر"

شنت الفنانة زينة، هجومًا حادًا على الفنان أحمد عز، سبب رفضه الاعتراف بطفليها التي ادعت أنهما أبنائه، وعدم إجرائه لتحليل الحامض النووي "D.N.A"، وفقا لما طلبته المحكمة.
وأضافت زينة، في مداخلة هاتفية مع برنامج "ست الحسن"، والمذاع على قناة "أون تي في"، أنها لن تترك حق أولادها، مضيفة: "للدرجة دي أنت كداب، يا أحمد يا عز، أنت عارف كويس إنهم ولادك، وانت سايبني أنا وعيالك بنروح نقعد بين التلاجات ونتبهدل علشان نعمل التحاليل".
وتابعت الفنانة: "فوجئت بكل اللي عمله أحمد عز بعد ما نزلت مصر، أنا مذهولة جدًا إن في بني آدمين بالشكل ده، وهو كان الفترة دي كلها منيمني، وأنا ساكتة وعندي كتير أوي بس ساكتة".
وواصلت: "يا أخي استر ده ربنا بيستر، وأنا هاخد حقي مش هاسيبه".