أول فيديو من عزاء شقيق رامي صبري

بدأت مراسم عزاء كريم صبري، شقيق الفنان رامي صبري، قبل قليل، داخل منزل العائلة، بمنطقة الشيخ زايد، حيث وافته المنية مساء أمس الأول، غرقًا في ترعة المريوطية.
وبدأ توافد أصدقاء كريم صبري، ورامي صبري، على منزل الأسرة، حيث يُقام العزاء، فيما حضر من الفنانين حتى الآن، كلًّ من ماجد المصري، دياب، مصطفى درويش، فضلًا عن المنتج ومنظم الحفلات وليد منصور.
رامي صبري لشقيقه: خدت الشهادة وبقيت أحسن مني
وكان رامي صبري، نعى شقيقه كريم صبري، بكلمات مؤثرة، حيث نشر صورة تجمعهما عبر صفحته الرسمية على «فيس بوك».
وعلق رامي صبري، على الصورة: «دايما كنت بقولك نفسي اشوفك أحسن مني، وفعلا خدت الشهادة، وبقيت أحسن مني يا حبيبي، ربنا يرحمك، ادعوله».
صادق عادل عن كريم صبري: كان من أرجل الناس اللي عرفتها في حياتي
يذكر أنّ صادق عادل، فنان وصديق مقرب من الفنان الراحل كريم صبري، دافع عن صديقه الراحل، مطالبًا بالدعاء بالرحمة له.
وكتب صادق عادل عبر حسابه الشخصي بموقع «فيس بوك»: «كريم مكنش بالصورة إللي بتتقال دي أبدًا، كريم مكنش بالوحاشة دي، بالعكس ده من أرجل الناس اللي عرفتها في حياتي، ارحموه بقى ده خلاص مشي وسابكم، بلاش التشويه ده في صورته».
وتابع عادل: «كريم كان مكتئب وتعبان من كل القريب منه، واللي استنا منه مساعدة وملقهاش، كريم كان فنان وشاطر ومجتهد وملقاش الدعم الكافي، فاكتئب وده طبيعي لواحد الناس فاهمه إنه ياما هنا وياما هناك، وهو يا عيني بيعافر وبيحاول بكل جهده، للأسف اللي بيكون من عيلة فنية الناس بتستخسر تساعده، وفاهمين إن العيلة الكريمة عاملة الواجب معاه، و فيه ناس تانية أولى».
وواصل صديق الفنان الراحل: «بس الحقيقي إن ده غلط تمامًا، لاحد بيساعد ولا قريب ولا غريب، صحابه بس اللي وقفت جمبه، وكانت بتحاول تعمله حاجه مش أكتر، سواء محمد شفيق أو كريم أسامة، أو أنا أو كام شخص بس اللي قريبين منه، لكن مافيش اللي الناس فكراه ده، بلاش تشويه في إنسان شاف حياة صعبة وسبنا بطريقة أصعب».