صديق الراحل كريم صبري: كان تعبان وشاف حياة صعبة

أعرب الفنان صادق عادل، صديق الفنان الشاب كريم صبري، شقيق المطرب رامي صبري، عن غضبه الشديد بعد الأخبار السلبية التي تتناول قصة وفاته بعد رحيله أمس غرقًا في ترعة المريوطية، وطالب من الجميع الكف عن ذكر كريم بأي شيء سيئ.
وفاة كريم صبري
وقال صادق عادل عبر حسابه الشخصي على موقع فيس بوك: "كريم مكنش بالصورة إللي بتتقال دي أبدًا، كريم مكنش بالوحاشة دي، بالعكس ده من أرجل الناس اللي عرفتها في حياتي، ارحموه بقى ده خلاص مشي وسابكم، بلاش التشويه ده في صورته".
اقرأ أيضا بعد وفاة شقيق رامي صبري.. مشاهير رحلوا عن عالمنا بسبب جرعة مخدرات زائدة
وأضاف عادل: "كريم كان مكتئب وتعبان من كل القريب منه، واللي استنا منه مساعدة وملقهاش، كريم كان فنان وشاطر ومجتهد وملقاش الدعم الكافي، فاكتئب وده طبيعي لواحد الناس فاهمه إنه ياما هنا وياما هناك، وهو يا عيني بيعافر وبيحاول بكل جهده، للأسف اللي بيكون من عيلة فنية الناس بتستخسر تساعده، وفاهمين إن العيلة الكريمة عاملة الواجب معاه، و فيه ناس تانية أولى".
اقرأ أيضا نجوم الغناء يساندون رامي صبري في جنازة شقيقه (صور)
وأكمل: "بس الحقيقي إن ده غلط تمامًا، لاحد بيساعد ولا قريب ولا غريب، صحابه بس اللي وقفت جمبه، وكانت بتحاول تعمله حاجه مش أكتر، سواء محمد شفيق أو كريم أسامة، أو أنا أو كام شخص بس اللي قريبين منه، لكن مافيش اللي الناس فكراه ده، بلاش تشويه في إنسان شاف حياة صعبة وسبنا بطريقة أصعب".
وأنهى حديثه قائلاً: "بجد مش علشان تجاملوا حد تشوهوا في صوره إنسان راح لربنا، وكفاية كلمة أخوه الفنان رامي، على فكرة اسمه كريم صبري، وله تاريخ مش بطال يتشرف بيه، ارحموا علشان ربنا يرحمكم".