شيرين تواصل الدفاع عن حسام حبيب في تسجيل جديد: «أنا كلي ملكه» (فيديو)

خرجت الفنانة شيرين عبدالوهاب عن صمتها وردت على كافة التسريبات الخاصة بوالد زوجها حسين حبيب التي كانت قد تسربت من مجلة الجرس والتى قال فيها ان نجله يتحكم فى اموالها ويريد الزواج من فتاة اخرى.
شيرين عبدالوهاب: حسام بيحبني أكتر من نفسه
قالت شيرين فى التسجيل الصوتي الخاص بها « حسام ربنا هو اللي بعتهولي، فربنا مش بيعملي حاجة وحشة، حسام بيحبني أكتر من نفسه، أنا وبناتي، بدليل إنه من ساعة ما اتجوزني ما استفدش بأي حاجة ومعملش لنفسه أي حاجة.. هو عايش بس عشان يخاف عليا وعلى عيالي من كل شيء.. وبالنسبة لحاجات كتير مفروض إن ماردش عليها، بس الست حماتي اللي ربت راجل أخلاقه عاملة كده، لازم تكون ست عظيمة، فحسام إنسان عظيمة وأمه ست عظيمة.. وأتمنى منكم تدعوا لنا بالذرية الصالحة.. وبقول لكم مفيش أي حاجة من دي خالص.. إنسان نقي ونضيف وربنا بعتهولي».
ردي لجمهوري الحبيب و وسائل الاعلام المحترمة. (الجزء الثاني ) pic.twitter.com/DoOOWlCQ0Z
— Sherine Abdel-Wahab (@sherine) June 28, 2021
كان التسجيل المنشور لحسين حبيب والد حسام حبيب تضمن عددا كبيرا من التصريحات التى قال فيها «ابني حسام بيتحكم بجميع حسابات شيرين عبدالوهاب وبيسحب كل ما يشاء من أموالها، وأيضا حسام ووالدته مبيحبوش شيرين عشان هي كمان كانت ترغب في الطلاق منه».
وأضاف: «حسام متزوج منها وبيشتغل معاها مدير أعمالها من المفروض بقى أنه يكون له نسبة من الأرباح مثل نسبة مدير أعمالها القديم ياسر خليل، أنا عارف حسام ابني دماغه سم وهو ذكي جدًا ومش سهل، فأكيد هو في دماغه حاجة ومأمن بنفسه جدا، وشيرين عاملة لحسام توكيل بدليل أنه معاه الفيزا بتاعتها وبيقدر يسحب من حسابها، وعارف الرقم السري، بس هو بيروح يسحب الفلوس اللى هو عايزها بس».
تابع: «إيمان أم حسام مش بتحب شيرين، إيمان تنكة، وعاملة زي المليونير لما يفلس هي صرفت الفلوس اللي أبوها سابهالها وصرفت فلوس حسام، شيرين عايزة تقولها بتتنكي على إيه؟ ده أنا عزماكي وهتسافري على حسابي والفندق على حسابي».