تسريب مسجل يدين حسام حبيب باستغلال شيرين عبدالوهاب.. فيديو

انتشر خلال الساعات القليلة الماضية تسجيلات صوتية، يقال إنها ل"حسين حبيب" والد المطرب حسام حبيب، يتحدث فيها عن خطة ابنه للزواج من الفنانة شيرين عبدالوهاب .
اقرأ أيضًا..فيديو.. والد حسام حبيب يكشف حقيقة طلاق ابنه من شيرين عبدالوهاب
وجاء في التسجيلات التي نسبت للوالد، بأن ابنه المطرب حسام حبيب يتحكم بجميع الحسابات المالية الخاصة بالفنانة شيرين عبدالوهاب، ويسحب ما يشاء من أموالها.
واعترف الأب أيضًا، أن حسام حبيب ووالدته لا يحبان "شيرين" التي كانت ترغب في الطلاق منه قائلًا: "حسام بيدير أعمال شيرين، المفروض أنه يبقى ليه نسبه زي اللي ياسر خليل كان بياخدها".
وتابع الأب: "أنا عارف حسام ابني دماغه سم وهو ذكي جدًا ومش سهل، فأكيد هو في دماغه حاجه ومأمن نفسه".
وأضاف حسين حبيب في التسجيلات: "شيرين عامله لحسام توكيل بدليل أنه معاه الفيزا بتاعتها وبيقدر يسحب من حسابها، وعارف الرقم السري، بس هو بيروح يسحب الفلوس اللى هو عايزها ".
وأكد الأب أن والدة المطرب حسام حبيب تكره شيرين عبدالوهاب قائلًا: "ايمان أم حسام مش بتحب شيرين، إيمان تنكه، وعامله زي
المليونيرة لما يفلس هي صرفت الفلوس اللى أبوها سابهالها وصرفت فلوس حسام، وشيرين بتبقي عايزة تقولها بتتنكي على أيه يا.. ده أنا عزماكي وهتسافري على حسابي والفندق على حسابي".
وتحدث الأب عن رغبته في أن يرزق بحفيد من حسام قائلًا: "نفسي يبقي عندي حفيد، وبعدين نفسي أجيب عيل أنا نفسي أخلف أنا كمان".
وعن زواج ابنه حسام من فتاه أخرى لأجل الأنجاب بدون علم شيرين ، قال :"ليه حسام مايتجوزش بالسر مثلا، انا فكرت في خطة حلوة اوي، انا هقوله يجي يتجوز ويخلي مراته عندي، ومايقولش لشيرين ويبقى يجي يقابلها هنا عندي، هو ساعات بيروح يقعد عند امه في الرحاب في التجمع، المهم مرات حسام تقعد معايا هنا، وحسام يبقى رايح جاي من غير ما يقول لشيرين، لما تحمل وتخلف ويبقى عنده عيل فرحان كده بيه عايز يقولها يقولها مايقولهاش هو حر، هو مقتنع بكلامي وهو قالها
انه هيتجوز عشان عايز يخلف".
واعتبر الأب أن شيرين سبب في فشل ابنه: "انا شايف ان هي قضت على حسام، يعني من ساعة ما حسام عرفها مش داريان بنفسه، لا نزل اغنية ولا اشترك في فيلم ولا مسلسل، يعني هي سحبت كل وقته وخدت نجوميته وضافتها على نجوميتها هي، هي داست عليه وطلعت على حسابه هو".
و أوضح الأب أن شيرين لا يمكنها الانجاب لتقدمها في السن قائًلا: "حتى لو مابتخلفش، واحدة خلاص عندها 39 سنة وقربت على ال 40 احتمال الخلف عندها ضعيف وهما بقالهم سنتين اهو ماخلفوش لية، هي سافرت امريكا بس ماقالوش عملوا اية في امريكا، كانت بتعمل رعاية صحية بتعمل تحاليل وبتكشف وبتعمل استشفاء في امريكا او بيسموها check up بتطمن على نفسها، وهو عمل كمان فحوصات عشان يشوف نفسه الخلفة كويسة".
كما شكك بحب حسام حبيب لشيرين قائلاً:" مش عارف هل هو بيحبها بجد فعلا زي ما بيقول كده ولا هو ذكي وعارف ان هي شخصية متقلبة وممكن في اي وقت تطلب الطلاق وكده، هي شخصية بتمل الدنيا ونفسها وولادها، عندها جنون الفنانين ده فاهمة، انا من مصلحته يتجوز بنت صغيرة تخلف له وجميلة وعندها طموح".
وفي نهاية حديثه سخر من أصل الفنانة شيرين عبدالوهاب قائلاً:" تحسي انه هو راقي وتحسي ان هي من بيئة مختلفة مش من نفس البيئة".