نيللي كريم: لم نتفاجأ بعدم تصوير الجزء الثاني من مسلسل «ب100 وش»

نفت الفنانة نيلي كريم، وجود أيه مشكلات مادية حدثت بينها وبين المنتجة كاملة أبو ذكري، ما أدى لعدم مشاركتها في الجزء الثاني من مسلسل «ب100 وش»، «السنة دي كنا عارفين أننا مش هنعمل، لأن كاملة مشغولة بفرح بنتها، وكنا عارفين أن مفيش جزء تاني من المسلسل، ومحدش مننا اتفاجئ، وأنا تعبت من المسلسلات، ونفسي أعمل أفلام أو مسلسلات 6 حلقات».
وأضافت «كريم»، خلال استضافته ببرنامج «شيخ الحارة والجريئة»، الذي تقدمه المخرجة إيناس الدغيدي، والمذاع على فضائية «القاهرة والناس»، أنها شاركت في فيلم «الفيل الأزرق» على جزئين، رغم من كون دورها في الجزء الأول صغير لكنه أمر لم يزعجها، «فيه حاجات مش بتتحسب بالمشاهد، وأنا بصيت ليها من ناحية الفيلم والأشخاص والرواية، والجزء الثاني اللي ظهرت فيه، كان دوري مش كبير، ودور هند صبري كان أكبر وأهم في الفيلم، أنا مش ببص على عدد المشاهد».
وأوضحت أنها سعيدة بمشاركتها مع الفنان محمد ممدوح بفيلم «بشتري راجل»، وكان به الكثير من المشاهد الرومانسية الحقيقية واللذيذة بينهما، «أنا بحبه زي ما هو، وعملت الفيلم معاه ومكنتش شايفة حد غيره يلعب الدور ده، وكنا لايقين أوي على بعض، والانتقادات مش مهم».
وأكدت أن فشلها في إدارة مدرستها الخاصة، جاء بسبب سعيها بتطبيق بعض ما تعلمته في روسيا، «أنا كنت بروح التمرينات في روسيا 6 أيام في الأسبوع ويوم واحد إجازة، وكان في المدرسة برامج كتير، والأهالي فاجئوني أنهم رفضوا يجيبوا البنات كل الأيام دي، وهما يومين بس في الأسبوع، واكتشفت أن نص الأولاد اللي بيجوا مش عايزين يتعلموا بروفيشنال، وكانوا بيجوا يلعبوا ويروحوا، لكن أنا كنت واخده الموضوع بجد وعلى أعصابي، وقفلت المدرسة وخسرت كل فلوسي».
وتابعت: «فيلم غبي منه فيه الجزء الأول بفريق عمله ميتعوضش، والجزء الأول بيفكرني بالناس اللي كانوا فيه زي حسن حسني وطلعت زكريا، ولو فيه أفلام تانية مع هاني رمزي أكيد هعملها».