شيخ الحارة لمي حلمي: لاعب مصري كان في انجلترا وراح السعودية عاوز يتجوزك

قالت الإعلامية مي حلمي، إن مسؤولا سابقا بنادي الزمالك هددها، وقال لها «ملكيش دعوة بابني»، موضحةً: «ابنه نقل عني صورة غلط لجمهور الزمالك، وخلاه يعمل حاجة مش لطيفة، كان عاوز يركب تريند، وجالي تهديدات من المتحكمين في صفحات السوشيال ميديا إنهم يركبوا صوري على صور مخلة واتعمل معايا كده وأكتر».
وأضافت حلمي، خلال حوارها مع المخرجة إيناس الدغيدي مقدمة برنامج «شيخ الحارة»، الذي يعرض عبر شاشة «القاهرة والناس»: «اللي حصل معايا بيحصل دايما في الميديا، ده مش جديد».
وكشف شيخ الحارة، أن 4 من لاعبي كرة القدم في مصر يريدون الزواج منها، قائلا: «إيشي أبيض وأحمر ومحترفين.. واحد زملكاوي، وواحد محترف في إنجلترا وراح السعودية».
وعلقت مي حلمي: «ناس بتعرض الزواج وده طبيعي، وأنا مقدمة برامج رياضية، ومش هختار حد دلوقتي، ونفسيتي متسمحليش، ومقدرش أتجوز واحد متجوز، وفي واحد منهم لو مش متجوز كنت ممكن أقبله».
ونفت مي حلمي، خضوعها لأكثر من عملية تجميل، موضحة: «عندي 30 سنة، هعمل إمتى كل ده، أنا نفخت شفايفي، فدي سموها عملية تجميل، وطبيعي ملامحي تتغير لأني موجودة على السوشيال ميديا وأنا عندي 23 سنة، فملامحي اتغيرت وغيرت تسريحة شعري»، لترد عليها إيناس الدغيدي: «يعني مفيش أي نفخ؟!»، لتقول مي: «هاعمل».