4 رسائل من السيسي للمصريين: «مياه مصر خط أحمر واطمنوا على بلدكم»

أجرى الرئيس عبدالفتاح السيسي، اليوم، زيارة إلى هيئة قناة السويس، حيث تفقد مركز التدريب البحرى والمحاكاة التابع للهيئة بمحافظة الإسماعيلية.
وخلال كلمته في مؤتمر صحفي عالمي بحضور عدد من الإعلامين والمراسلين والصحفين المصريين والأجانب، وجه الرئيس رسائل عدة متعلقة بملفات متنوعة، تستعرضها "الوطن" في التقرير التالي:
السيسي: محدش هيقدر يمس مياه مصر.. واللي عايز يجرب يجرب
تحدث الرئيس عن ملف سد الإثيوبي، حيث طمأن المصريين على حقوقهم التاريخية والثابتة في مياه النيل، قائلا، "موضوع المياه شاغلني وشاغلني كلكم، وموضوع التفاوض خيارنا اللي احنا بدأنا به، وعاوز أقولك، أن العمل العدائي قبيح وله تاثيرات كبيرة جدا تمتد لسنوات طويلة، لأن الشعوب لا تنسى ذلك، والمعركة بتاعتنا معركة تفاوض، وكل يوم الرأي العام العالمي وكبار المسؤولين في دول العالم ترى وبنكسب أرض إننا جادين نتفاوض يشكل الكسب للجميع ، وكل اللي بنطلبه أمر لا يخرج عن القوانين الدولية المعمول بها في التعامل مع هذه الموضوعات وهي المياه العابرة للحدود".

وأضاف "السيسي" خلال مؤتمر صحفي عالمي على ضفاف قناة السويس، أنه خلال الأسابيع القليلة المقبلة سيكون هناك تحرك إضافي في المفاوضات فيما يخض هذا الموضوع، "نتمنى للوصول لاتفاق قانوني ملزم بشأن ملئ سد وتشغيل السد، احنا مش بنتكلم كتير بس بنقول للناس كلها محدش يقدر ياخد نقطة مياه من مصر، واللي عاوز يجرب يجرب، إحنا مش بنهدد حد، عمرنا ما هددنا، وحوارنا رشيد جدا، وصبور جدا، لكن محدش هياخذ نقطة مياه من مصر، وإلا هيكون فيه حالة من عدم الاستقرار في المنطقة، لا يتخيلها أحد، ومحدش يتصور انه يقدر يبقى بعيد عن قدرتنا، لأ، مش بهدد حد ومياه مصر لا مساس بها والمساس بها خط أحمر، وهيبقى رد فعلنا في حال المساس بها أمر يؤثر على استقرار المنطقة بالكامل".


السيسي للإعلاميين: «انقلوا اللي بنعمله للناس علشان تدوهم الأمل»
ووجه الرئيس عبدالفتاح السيسي رسالة إلى الإعلام المصري طالبهم فيها بتسليط الضوء على المشروعات القومية التي تجرى بأرض الوطن، قائلا: «أنا ليا توصية عندكم.. من يومين تلاتة كنا بنتكلم عن الدلتا الجديدة، وأنا شوفت الإعلام بيتناولها إزاي في الجورنال بشكل مش مفصل، لو عاوزين بيانات البيانات موجودة على الموقع الرئاسي بتفاصيل كل المشروعات، ولو تواصلتو مع الجهات المعنية هتديكو كل البيانات، لكن بنتكلم في مليون ونصف فدان، وخلال سنتين ونصف هنكون زرعينهم على طريق الضبعة شمالا وجنوبا، والمية دي اللي هنستخدمها هي المياه المعالجة الثلاثة المطورة حتى تصلح للاستخدام في الزراعة، وهو ما تم في 3 مناطق بمصر أولها المحسمة بمليون متر يزرع 50 ألف فدان شرق القناة، والمية دي كانت بتترمي في بحيرة التمساح وتعمل تلوث».
وأضاف الرئيس خلال مؤتمر صحفي على ضفاف قناة السويس، أنه «في شهر 6 المقبل هيكون محطة بحر البقر، وهي محطة 5.6 مليون متر في اليوم ودي كانت مية صرف بتترمي في المنزلة هنآخدها شرق القناة بمحطات معالجة وهيزرعوا حوالي 500 ألف فدان»، مشددا على أن «الإعلام لازم يرصد ده ويتكلم فيه علشان تعززوا بلدكوا وتقولو البلد بفضل الله بتتحرك للأمام وبقوة وإصرار وقدرة وفهم وتخطيط وتنفيذ كبير أوي»
رسالة الرئيس السيسي للمصريين: اطمنوا على بلدكم
وأكد الرئيس عبدالفتاح السيسي، أن دلالة وجوده اليوم، بقناة السويس، واضحة للعالم كله، وهي رسالة بأن كل شيء قد عاد لمكانه بالقناة، مشيرا إلى أن نحو 103 سفن مرت أمس، واليوم ستمر أكثر من 90 سفينة، والسفن المنتظرة منذ 6 أيام ستمر خلال 3 أيام: «تواجدنا اليوم بيقول إنه كل حاجة رجعت لمكانها».
وأضاف الرئيس، خلال مؤتمر صحفي على ضفاف قناة السويس: «كان في نقاش ومنظرين جوه مصر وبره مصر، ولكن في إجراءات هتتم علشان ندي رسالة حاسمة إنه قناة السويس قوية وباقية وقادرة على تلبية نقل التجارة العالمية».
وتابع الرئيس: «المصريين صابرين وصامتين وقلبهم على بلدهم، ولما المصريين يبقى قلبهم على بلدهم لازم يبقوا متأكدين إنه ربنا هيحافظ على بلدهم وأنا مش متفاجئ بيهم.. أنا سعيد برد فعلهم وانتو شوفتوا رد الفعل بمواقع التواصل.. أنا بشكرهم وبقولهم متخافوش أبدا على مصر.. البلد دي محفوظة بالله ثم بإرادة وحب المصريين ببلدهم وحرصهم على إنها تكبر وتنمو وتستقر.. بقولهم ربنا مايحرمنيش منكو».
السيسي يتحدث عن التنمية الشاملة: نبني مصر
ومن الرسائل الهامة التي تضمنتها كلمة الرئيس السيسي حديثه عن مشروعات التنيمة الشاملة في مصر والتي استعرض عددا منها، وأبرزها مشروع الدلتا الجديدة وربط البحر الأحمر بالبحر الأبيض المتوسط عبر مواني وسكة حديد حديثة، فضلا عن محطات معالجة مياة الصرف الصحي لتعزير موارد كمصر المائية قائلا: "إن مستقبل مصر مع محطة الحمام 6 مليون متر في اليوم لزراعة المليون فدان في منطقة الضبعة و500 الف فدان في سيناء و600 الف فدان في توشكى أي 2 مليون فدان خلال عامين".
وأضاف السيسي عن الدلتا الجديدة، قائلا: إنها ستكون على مساحة مليون ونصف فدان، والمياه التي ستروي المليون ونصف فدان في المنطقة الغربية في الضبعة نتيجة معالجة وكان لا يتم استغلالها من قبل.