رصدت عدسة "الوطن" مطالب موظفات وممرضات مستشفى "أم المصريين" بالجيزة، بالحد الأدنى للمرتبات، أثناء زيارة الدكتور عادل عدوي، وزير الصحة والسكان، ضمن حملة "نحو مستشفيات نظيفة". وقالت إحدى المحتجات: "عايزين حقوقنا، كل حاجة غليت اشمعنا مرتباتنا، احنا مبنعرفش نوصلك، و500 جنية يعملوا إيه"، ورد عدوي: "إحنا انهاردة بنطلق حملة عشان نسترد مصر، وأنا مكتبي موجود لأى حد عايزني، لازم واحدة واحدة منقولش عايزين وبس لازم نعطى كمان، كل ما في الأمر إحنا بنحاول نوفر الاحتياجات الأساسية للمواطن ومن أهمها الاهتمام بأوضاع المستشفيات". جدير بالذكر أنه تم تدشين حملة "نحو مستشفيات نظيفة" لاستعادة الوجه الحضاري للمستشفيات المصرية، حيث تبدا ب16 مستشفى بمحافظتي القاهرة، والجيزة، كنموذج أولى تمهيدًا لتعميمها على باقي مستشفيات الوزارة على مستوى الجمهورية، وبدأت من مستشفى أم المصريين بالجيزة، بحضور الدكتور عادل عدوي، وزير الصحة والسكان، والدكتور خالد فهمي، وزير البيئة، والدكتور علي عبدالرحمن، محافظ الجيزة.
