ليه تاخد الدعم زيت وسكر لما ممكن تاخده 15 جنيه للفرد

"التموين": المواطن سيحصل على أفضل الأنواع بأقل الأسعار

"أول الشهر" موعد اللقاء الذي لا ينقطع بين "بقال التموين" ورواده من أصحاب البطاقات الذكية، يأتونه في كل مرة يعلمون مقدار ما تحدده الدولة لهم من سكر وزيت وأرز كل على حسب عدد أسرته في البطاقة التموينية، ولكل سعر محدد، هكذا تعود الحاج أشرف علي أن يذهب للتاجر وفي جيبه 44 جنيهًا فقط لا غير نظير ما يحصل عليه من "8 كيلو سكر، 8 كيلو أرز و6 زجاجات زيت"، لكنه هذه المرة وجد الأمر مختلفًا.
"اختار اللي انت عايزه من الورقة اللي قدامك وليك 15 جنيه على الفرد والباقي تدفع تمنه"، لم يفهم أشرف في البداية ما يقوله تاجر التموين "هو إيه اللي حصل أنا مش فاهم حاجة هو الدعم اتشال" يسأل أشرف الرجل والدهشة ما زالت تعلو وجهه وهو يقرأ، الورقة المعلقة على باب المحل "لا الدعم ما اتشالش ولا حاجة كل الحكاية إنه اتغير وهتاخده فلوس تشتري بيها بضاعة مخفضة والفرد له 15 جنيه"، أخذ أشرف يتطلع إلى الورقة المعلقة "كيلو السكر ب4.25، زيت خليط 9.75.. أرز معبأ 3.75"، ورقة الأسعار المعلقة على باب المحل اشتملت على سلع أخرى "سمن وزيت عباد شمس ولحوم ودواجن مجمدة وشاي ومسحوق أوتوماتيك"، دفع أشرف فروق الأسعار محتفظًا بال15 جنيهًا الدعم لكل فرد "هنعمل إيه مفيش فايدة" .
"إحنا بنحمي المواطن من غش التجار وفي الوقت نفسه بنديهم أفضل بضاعة بأقل سعر" يؤكد محمود دياب المتحدث الرسمي لوزارة التموين، أن الدعم الجديد للسلع التموينية سيبدأ تطبيقه بداية من الشهر الحالي، مؤكدًا أن معظم السلع التموينية لا يقبل الناس على شرائها بسبب سوئها "طب إحنا غيَّرناها وجبنا أنواع ممتازة من كل الأصناف وحطينا هامش ربح للتجار لا يزيد عن 25 قرشًا في الوقت نفسه الدعم ما زال موجودًا يبقى إيه المشكلة؟"، يجيب دياب عن تساؤلات المواطنين عن فروق الأسعار التي ستلتهم مرتباتهم بعكس حصة التموين السابقة "كل مواطن هيفضل دعمه زي ما هو وبالعكس كمان هتبقى السلع أفضل والدعم هيبقى لأي عدد في البطاقة بعكس ما كان يحدث من تقليل دعم ما يزيد عن 4 أفراد في البطاقة إلى النصف دلوقتي الدعم 15 جنيه لكل فرد مهما كان العدد".