قال الرئيس عبدالفتاح السيسي، رئيس الجمهورية، إن الدولة ستسعي جاهدة في استمرار العمل بالمشروعات وزيادتها. وأضاف "السيسي" خلال كلمه له أثناء تفقده لعناصر ومعدات أطقم القوات المسلحة المخصصة والمعاونة للقطاع المدني في مكافحة فيروس كورونا، أنه قد تقرر إضافة 100 ألف وحده سكنية للمناطق ذات الطبيعة الخطرة: "ال100 ألف بكام، لو الشقة ب200 ألف جنيه يبقي 20 مليار، طب لو هي بأرضها ومرافقها بتوصل ل300 أو 400 ألف جنيه يبقي 40 مليار جنيه، ده قرار اتاخد أمبارح"، موضحا أنه قد تقرر أيضا إنجاز 250 ألف وحده سكنية للاسكان الأجتماعي زيادة مما تم الأتفاق عليه: "كل ده أحنا بنفتح مجالات للعمل وعلشان نقدم لمحدودي الدخل فرصة أنهم يستفيدوا من قدرة الدولة على أنها تخفف عنهم وتوفر حياه طيبة". وأكد أنه وأثناء مروره في أوقات غير متوقعه وبشكل هادئ فوجئ بوجود عدد من الأشخاص يقوموا بالبناء بشكل خفي: "كان فيه أسمه مصرف الطواري، وكانت منطقة مخلفات وناس عايشة بشكل لا يليق أبدا عملنا إسكان لهم وأخلينا الناس وسكناهم فيها، وعملنا محور موازي لجسر السويس علشان يسهل عليهم طلوع الدائري، وألاقي ناس بتبني، فين رخص الكلام ده". وتابع: "أوعوا تتصوروا أن الدولة مش هتاخد بالها من التعدي على الأراضي والبناء غير المخطط ليه في ظل مواجهة فيروس كورونا، والحكومة خدت إجراء في الموضوع ده ومش هنقبل ده ولا نسيبه".
