م الآخر| نداء إلي كل المضربين الشرفاء من مواطن مصري

نداء إلي كل السادة المضربين والغير مضربين، أنا لست ضد الأضراب ولكن لي سؤال، ماذا لو أضربتم بدون نتيجة، هل ستحرقون وستدمرون مكان عملكم؟ بالطبع الأجابه "لا" ولكن حتي ولو حدث فماذا ستفعلون بعد ذلك؟.
أرجوكم لا تجعلون نار الشر والغضب تأكل الأخضر واليابس، نعلم جيداً أن لديكم الكثير من الشكاوي ولكن لو كل واحد في مصر نزل بشكوته مش هنلاقي ناكل ولا نشرب ولا حتي نعيش، ولكن لازم نشتغل، يعني لازم الأتوبيسات تشتغل علشان الناس تقدر تروح شغلها، ولازم الشهر العقاري يشتغل علشان الناس تبيع وتشتري ومعاملتها مش تقف، ولازم الأطباء والصيادلة تشتغل علشان الناس مش تموت وتتعالج، ولازم ولازم ولازم أنا بقيت حاسس إن نص البلد في الشارع معترضة، طيب هنجيب مين يشتغلنا نستورد شعب مثلاً لا قدر الله.
نداء إلي السادة أفراد الشعب المصري العظيم لا تجعلوا أيديكم هي أول من تهدم بلادكم، فوالله هذه أرخص الحروب وأنجحها أن يري العدو شعب مصر يهدم بلده دون سلاح ودون تكلفة حربية، فهي أرخص حرب وأنجحها علي وجه الأطلاق .
فيا كل مضرب ومضربة تعالوا نصبر حتي لأخر السنة نشوف بس حتي يأتي لبلدنا رئيس ونشوف هيعمل أيه، وأنا هكون معاكم أول المضربين لو مش عمل لينا حاجه أو مش صارحنا حتي هيكون مستقبلنا إية، بس ممكن الأن وأعني فوراً نشتغل ونبني بلدنا بجد مش كلام شعارات ممكن.. أرجوكم.. بلدنا دي عظيمة أوي بلاش نخليها تضيع بعندنا وبغضبنا، أرجوكم أيها المضربون الشرفاء.