الشرقية تشيع شهيدى الشرطة بهتاف: «وحياة دمك يا شهيد.. إعدام مرسى جىّ أكيد»

زوجة الشهيد محمد عبدالقادر: «مش هنشوفه تانى.. يا رب انتقم من اللى قتله وحرق قلبنا عليه»

شيّع عصر أمس الآلاف من أهالى الشرقية جثمانى شهيدى الشرطة، الرقيب عيد خيرى عبدالحفيظ «43 عاماً»، مقيم بالقواشنة، قرية رمل بديرب نجم، والعريف محمد محمد عبدالقادر عوض «27 عاماً، مقيم بقرية بنى شبل، التابعة لمركز الزقازيق، من قوة مديرية أمن الإسماعيلية، إثر استشهادهما برصاصات غادرة على يد مسلحين مجهولين اعترضوا طريقهما بناحية «آبار السبع» بمحافظة الإسماعيلية، أثناء عودتهما من مأمورية عمل فى الساعات الأولى من صباح أمس. بعد انتظار طال لسبع ساعات، خرجت الجنازة من مسجد الفتح بمدينة الزقازيق، وردد المشاركون فيها هتافات مناهضة للجماعة الإرهابية: «الإرهاب عدو الله.. الشعب يريد إعدام الإخوان.. القصاص القصاص دم بدم رصاص برصاص.. وحياة دمك يا شهيد.. إعدام مرسى جىّ أكيد».
وفى مقابر قرية بنى شبل، جلست زوجة الشهيد محمد محمد عبدالقادر عوض بجوار الجثمان واحتضنت أبناءها الثلاثة، «رضا» تلميذ بالصف الخامس الابتدائى، و«ممدوح» تلميذ بالصف الثالث الابتدائى، و«أيمن» أولى حضانة، وهى تردد: «أنا جيت عشان ألحق أشوفه لآخر مرة، حتى وهو فى الكفن قبل ما يدفنوه فى القبر، معقولة أنا مش هشوفه تانى، حرمونا منه ليه؟ ده احنا مش لينا غيره، هو سندنا وضهرنا فى الدنيا، يا رب انتقم من اللى قتله وحرق قلبنا عليه». وعلقت زوجة ضابط شرطة، رفضت ذكر اسمها، قائلة: «وزير الداخلية لازم يشوف حل فى اللى بيحصل يا ناس، قولوا له حرام، مش بقينا عارفين نعيش، بنموت كل يوم من الخوف على أهالينا اللى فى الجيش والشرطة والبلد كلها».