"مرسي" في تسجيل جديد: محام قال لي "أنت مسئول عن مصائب مصر منذ عهد الفراعنة"

"المعزول": فيه حاجة اسمها "بوكس أسود" كده مهما اتغير الأشخاص ما ينفعش نفتحه

تواصل "الوطن" انفراداتها بنشر تسجيلات الرئيس المعزول محمد مرسي من داخل محبسه، التي يتحدث فيها عن زوجة أحد الضباط، الذين تم اختطافهم بعد ثورة 25 يناير 2011، واصفًا إياها ب"البنت اللي سلّطوها"، ويضحك قائلاً: "إن أحد المحامين أخبره بأنه المسؤول عن الفساد الموجود من أول القدماء المصريين حتى الآن".
وإلى نص الحديث:
مرسى: سلّطوا البت دي ترفع عليّ قضية، باين دي اللي جوزها مات، جوزها الظابط في الشرطة الرائد بتاع المنصورة اللي كان مات، طب ده اتخطف في أول الثورة (يضحك) طب أنا أعمل إيه يعني، يقول لك كان ممكن أرجّعهم (بعد فترة صمت) الأمر لله وحده، هنعمل إيه، على رأي واحد من المحامين بيقول لي خلّي بال حضرتك، ما أرتُكب في مصر من مصائب، من أول قدماء المصريين لغاية دلوقتي أنت السبب فيه (يضحك) والله حاجة غريبة جداً، بنتكلم عن دولة، مش بنتكلم عن لعب عيال، ما ينفعش حد يطلع يقول ده الرئيس قال لي مش عارف إيه وأنا قلت له إيه، ده مجنون.
صوت: ده مين اللي بيقول كده؟
مرسي: يبدو أنه يواصل كلامه عن مصطفى بكري قبل أن ينتقل لقضية أخرى: "عيب عيب عيب، مجنون، انت بتتكلم عن إيه؟".
ويتابع قائلاً: "بقى أنا لما أتكلّم مع حد من الشرطة عن خلية مدينة نصر، هنعمل إيه، والأمريكان عايزين إيه ندّيهم ولّا ما نديهمش، وأقوم أنا أمشي تيجي انت تقول أصله كان مرة قال لي ما تديهمش، ما ينفعش فيه دولة، فيه حاجة اسمها (بوكس أسود) كده، لازم يبقى له خصوصيته، مهما اتغير الأشخاص، ما ينفعش نفتحه".
صوت: الأشخاص بتتغير، إنما الدولة ثابتة.
مرسي: "أيوه طبعاً، فيه حاجات على وجه الخصوص ما ينفعش الكلام فيها، وعشان كده لو أنت عايز، يبقى عايزين جلسة تانية للمحكمة، جلسة سرية ما يحضرهاش حد، أنت بتتكلم عن ايه، عن علاقات دولية ما ينفعش فيها كلام، فالفساد اللي حصل خطورته إنك أنت من الصعب جداً أنك تمسكه لأنه فساد ممنهج بطريقة شيطانية.. شيطانية بجد، فأنت أول حاجة تقفله، وبعدين تشوف هتتصرف معاه ازاي، لكن الأول تعمل إيه؟".
صوت: تقفل المحبس.
مرسي: "تقفل المحبس، لأن الخزان مهما تحط فيه ميه المحبس بيطفنس، فالأول اقفله عشان الميه تبان، وبعدين شوف اللي اطفنس ده هتعمل فيه إيه، ممكن ما تقدرش تعمل حاجة، صعب، هتعمل إيه، ولا قضية بتقدم فيها حاجة؟".
أخبار متعلقة
انفراد «الوطن» بتسجيلات «مرسي».. «المعزول»: معرفش إني بقيت جد من شهرين.. ماهم زاروني قبل ما تولد
في تسجيل صوتي.. مرسي ينتقد مصطفى بكري: "إحنا في دولة مش لعب عيال"
البرغوثي: حديث مرسي في التسريبات المنشورة ب"الوطن" يدل على معاناته من خلل نفسي
مرسي متحدثا عن وزير الداخلية الحالي: "ماهواش" الظابط اللي حاطينه فى البتاع