قبل ظهوره مع عمرو الليثي.. "كايا" يُثير الجدل على "النهار"

نحو نصف مليون مُشاهدة، حققها "البرومو" الدعائي لحلقة اليوم الأحد، من برنامج "واحد من الناس"، للإعلامي عمرو الليثي، حيث يستضيف "كايا" والذي حقق شهرة واسعة على مدار الأيام الأخيرة، بشأن قصة الحب التي جمعته مع "سارة".
حالة من الانقسام، بين رواد مواقع التواصل الاجتماعي، بين المؤيد والمُعارض، لظهور "كايا" عبر وسائل الإعلام، حيث يرى البعض أنه موهبة تستحق الظهور والبحث عن فرصة، بينما البعض الآخر يُفسر ذلك بأنه إسفاف وشخصيته لا ترقى للظهور على الفضائيات.
تعليقات عدة، استحوذ عليها "البرومو"، عبر صفحة القناة، في ساعات معدودة، حيث قال حساب باسم هاني: "أحيك يا دكتور عمرو، فعلًا كايا كاريزما وفنان كوميدي هايل حاجه كده زي القصري زمان.. أنا لما بشوفك يا كايا بتفصل ضحك تعرف إن كايا قلبه نضيف وأبيض وطيب جدًا جدًا أنا معرفهوش ولا عمري شوفته بس تحس إنه حد تعرفه وصادق المشاعر لأنه عمل فيديو لايف لحببته ومخفش من حد لأن كان حبه قوي ليها وعشان نقاوم قلبك يا كايا ربنا وقفلك أولاد الحلال عشان تشتهر وتسعد الناس أنا متنبأ لك بنجم هيكسر الدنيا بجد.. بس افتكر كلامي يا كايا".
وقالت أخرى: "أقسم بالله ده تهريج يا جدعان هو النيزك هيضرب امتي ويريحنا.. المهم هتبقى حلقة جامدة ضحك طحن.. أجمد من شطة بكتير"، فيما قال آخر: "كايا ده هينجح وفعلًا قدر يشغل دماغه ويعمل تريند لنفسه من التفاهة وهيصنع المجد وبكرة نتفرج على أعماله وللأسف احنا لسه قاعدين في البدروم".
وأضاف حساب باسم سهيلة: "كايا يا جماعة في الحقيقة صيدلي يعني دكتور، ومش هو كايا الحقيقي تقريبًا على حسب فهمي.. استنوا شوفوا الحلقة واحكموا بعد كده عليها"، وتابع حساب باسم صافي: "هو بيمثل شخصيه كايا يا جماعة ومن كتر فيديوهاته الناس صدقته هو ممثل شاطر عشان كده عمرو الليثي استضافه كموهبة مش أكتر".