عاجل| السيسي: "المحافظ لازم تكون عينه على كل جنيه"

قاطع الرئيس عبدالفتاح السيسي، الدكتور عبدالعزيز قنصوة، محافظ الإسكندرية، أثناء حديثه بحفل افتتاح مشروع الإسكان بغيط العنب "بشاير الخير2"، بمحافظة الإسكندرية، معترضا على إطلاق مشروع "بشاير الخير 6"، بعد أن اقترح المحافظ الاعتماد على رجال الأعمال والمجتمع المدني.
وسأل السيسي المحافظ عن المتخلفين عن دفع عقود الإسكان في منطقة الحديقة الدولية بالإسكندرية: "لو كنت بقول كلام غلط صلحلي!"، ورد المحافظ: "الموقف في الحديقة الدولية صعب"، فاستنكر السيسي: "صعب إيه؟.. الحديقة الدولية والشلالات مسؤليتك ياعلي لحد ماتنتظم الأمور.. القديم قبل الجديد".
وأضاف السيسي: "أنا كنت في إسكندرية قبل كدا، وبنكسب، لكن لو مبتكسبش سيبها، إنما المكان اللي واخده ب3 قروش ومتدفعشي كمان؟، وعلشان كدا ده الموضوع اللي بقوله لكل مسؤول في الدولة المصرية، المحافظ لازم تكون عينه على كل جنيه، وكل اتفاق على كل عقد جوة محافظته، لأنه دخله اللي بيشتغل بيه للغلابة، ومسمحشي الناس تاخد وشكرا".
واستكمل السيسي: "الكلام ده بقوله علشان ننتبه ليه، ومش هنا في إسكندرية فقط، ولكن في كل مكان".
ويفتتح الرئيس عبد الفتاح السيسي، اليوم الأربعاء، مشروع الإسكان بغيط العنب "بشاير الخير 2" بمحافظة الإسكندرية.
ويعد "بشاير الخير 2" هو المرحلة الثانية لاستكمال مشروع التطوير الحضاري لمنطقة غيط العنب، والتي شملت فيه المرحلة الأولى 1632 وحدة سكنية، ويتضمن إنشاء 18 بلوكا وعمارة فردية بإجمالي 37 عمارة تشمل 1869 وحدة سكنية.
ويضم المشروع عدد من الخدمات والمحلات التجارية، وتم تجهيز جميع الوحدات السكنية وتزويدها بالأثاث وجميع الأجهزة اللازمة.