العيب في مين؟

قال الإمام الشافعي "نعيب زماننا والعيب فينا وما لزماننا عيب سوانا"، بجد لازم كل يوم نحتك ونتعامل مع ناس الله وحده أعلم بيهم، سواء بتتعامل في الشغل في المواصلات اللي أصبحت عقدة حياتي، في الأسواق في الشارع، مش عارفه حاسة إني لو دخلت تحت الكنبة هلاقي أي حاجه تعكر صفوي.
السؤال هنا دايما، هو العيب في مين؟ العيب في إني أشوف الناس فيها العيوب دي، وأتمنى إن الناس تتعامل مع بعضها صح وبضمير، ولا العيب في الناس اللي أصبحوا تحت رحمة المادة، أجساد تسير بلا ضمائر بلا عقول، ولن أجعل من نفسى الملاك الذي لا يسعى للمادة، بل أنا أبحث عنها بكل السبل المشروعة، لكن بضمير أعطى أكثر مما أنال، ولازلنا لم نجب على السؤال، هو العيب في مين لما تعلم ابنك إنه ميقدمش مساعدة للكبير، وتعلم بنتك إنها تضحك في الشارع بصوت عالي أو إنها تذهب للمدرسة بمكياج يبقى لا تلوم إلا نفسك، لما نوافق نحط إيدينا فى جيوب بعض، لا كمان فى عيون بعض بحجة حقى، يبقى العيب فينا "وما لزماننا عيب سوانا".