برلماني: "لو مش قادر تربي ولادك كويس ارحم الدولة.. أو علمهم من جيبك"

قال اللواء أحمد رفعت عضو مجلس النواب، إنه مؤيد لقرار رفع الدعم عن الطفل الثالث، موضحًا أن سوء رعاية الأطفال المترتبة عن كثرتهم تعتبر إحدى أهم مسببات ظاهرة التطرف الديني.
وأضاف خلال استضافته ببرنامج "العاشرة مساء"، المُذاع عبر فضائية "دريم": "راجل بيجيب عياله وبيخلفهم ويسيبهم في الشارع، الإخوان تخطف واحد وداعش تخطف واحد يطلع حرامي وواحد يشحت، لكن لو في رب بيرعى الأسرة وأم بتأكل وبتربي وبتراقب مش هنشوف اللي إحنا فيه دلوقتي".
وشدد عضو مجلس النواب، على أن الدعم يجب أن يتوجه إلى مستحقيه، قائلًا: "لو مكنتش قادر تربي ولادك كويس إرحمنا وارحم نفسك وارحم دولتك وخلي الفلوس اللي بتاخدها تروح للناس اللي تستحقها، قادر تصرف وتستحملهم اتفضل، مش قادر خلاص لو هتجيب عيال علمهم أنت، متعلمهمش من جيب الناس الغلابة التانية".