معتز الدمرداش: "لما حد بيشوفني بيقول الراجل اللي طلع مع حزلقوم أهو"

روى الإعلامي معتز الدمرداش، كواليس مشاركته في فيلم "قسطي بيوجعني"، كتجربة تمثيلية خالصة للمرة الأولى، قائلا: "عملت الفيلم ده عشان والدي المخرج الراحل نور الدمرداش، لأن المخرج قاللي إني شفت والدك في الدور ده".
وأضاف الدمرداش، خلال حواره ببرنامج "معكم منى الشاذلي"، على قناة "سي بي سي"، أنه قديما كان يرى الممثلين يحاولون إرضاء والده بأداء تمثيلي جيد، مضيفا: "كانوا بيحاولوا يرضوني أنا كمان وأنا صغير عشان أقول لبابا كلمة كويسة عنهم وياما جابولي حلويات".
وتابع: "الفنان أنور وجدي هو اللي اكتشف والدي الفنان والمخرج الكبير نور الدمرداش، وده كان خلال مشاهدته لعرض مسرحي للطلبة كان والدي مشارك فيه"، مازحا بقوله: "عيال كتير لما بتشوفني تقول (إلحقي يا ماما الراجل اللي طلع مع حزلقوم أهو، يعني كل اللي عملته في الاعلام ده كأني معملتش حاجة)".